Taman Flushing Meadows–Corona

Taman Flushing Meadows–Corona (ketah kasengguh dados Taman Flushing Meadows utawi cuteet Flushing Meadows) inggih punika taman umum ring sisi kalér Queens ring Kota New York, New York, AS. Puniki kawatesin olih I-678 (Van Wyck Expressway) ring sisi kangin, Grand Central Parkway ring sisi kauh, Celuk Flushing ring sisi kalér, lan Union Turnpike ring sisi kelod. Taman Flushing Meadows–Corona taman umum sané pinih ageng kaping pat ring Kota New York, antuk jimbarnyané 897 ékar (363 ha).

Ngantos abad ka-19, situs punika kawangun antuk tanah basah sané nglintangin Tukad Flushing, sané nglintangin wewidangan punika saking kalér nuju kelod. Kakawitin ring dasawarsa kapertama abad ka-20, genah punika kaanggén genah ngutang abu, santukan duk punika, tanah punika doh pisan saking genah-genah sané sampun nglimbak ring Kota New York mawinan kaanggep sampun nénten mawiguna. Komisaris Taman Kota New York Robert Moses kapertama nyusun apti nglimbakang taman ageng ring Flushing Meadow ring warsa 1920-an pinaka pahan saking sistem taman ring lintas Queens sisi kangin. Taman Flushing Meadows-Corona kakaryanin pinaka genah Prasara Jagat New York 1939 miwah taler dados genah Prasara Jagat New York 1964. Risampune prasara warsa 1964, taman punika runtuh ring kahanan sané sampun rusak, yadiastun wenten kabenahin sané sampun kamargiang ngawit warsa 1990-an lan 2000-an.

Taman Flushing Meadows-Corona ngukuhang akeh tata letak saking Pameran Dunia 1939. Objek wisatanyane minakadi Pusat Tenis Nasional USTA Billie Jean King, genah sané mangkin kaanggen wimbakara tenis US Kabuka; Citi Field, kandang tim baseball New York Mets; Balai Ilmu Pawikanan New York; Museum Queens; sane Téater Queen ring Taman; Kebun Buron Queen; Unisphere; miwah Anjungan Negara Wagian New York. Sadurungnyané madaging Stadion Shea, sané karugah ring warsa 2009. Tukad Flushing terus nglintangin taman, lan kalih danu ageng sané mawasta Danu Meadow lan Willow ngambil akéh wewidangan taman ring sisi kelod Long Island Expressway.

Taman Flushing Meadows-Corona kadruénang miwah kaamong olih Departemén Taman miwah Rrkreasi Kota New York, taler kasengguh Taman NYC. Sekaa swasta, nirlaba sekadi Konservasi Taman Flushing Meadows-Corona miwah Aliansi Flushing Meadows-Taman Corona ngicénin dana, ayahan, miwah dukungan wewehan. Taman puniki magenah ring sisi kangin wewidangan sané kaanganin olih Déwan Komunitas Queens 4.