Suku Dayak Kadazan

Suku Dayak Kadazandusun utawi suku Kadazandusun inggih punika penduduk asli sané wénten ring wawidangan Sabah, Borneo, Malaysia. Anak Kadazandusun katahnyané wénten 27 subsuku: Dusun Liwan, Dusun Lotud, Rungus, Tagahas, Tangara lan wawidangan lianan.

Wastan "Kadazandusun" naenin kaanggé olih Hoguan siou Anak dusun sané mawasta Tun Fuad ring era 50-an. Ia nguah wastanné lawas "Orang Dusun" sané kakaryanin olih masyarakat Brunei dados wasta anyar, inggih punika "Kadazan". Ri sajeroning panglimbaknyané, wastané punika mauah dados "Kadazandusun" antuk ngabungin kalih sub kelompok masyarakat, inggih punika kelompok "Kadazan" lan kelompok "Orang Dusun" sané kantun éksis. Punika mawinan, wasta "Kadazandusun" sujatiné pinaka gabungan saking kalih sub-kelompok punika. Linan ring punika, "Kadazandusun" maartos penutur bahasa dusun.^[1]

Anak Kadazandusun magenah ring pedalaman Sabah, inggih punika Kudat (Rungus), Sandakan (Orang Sungai) Beluran, Ranau, Tambunan, Pinampang, keningau (Orang-Orang Kadazandusun ring kawasan puniki maasal saking Tembunan dan Ranau), Kuala Penyu (Dusun Tatana) lan makudang-kudang wawidangan lianan ring Sabah. Suku Dayak Kadazandusun ketah kauningin antuk Orang Sungai wiadin Sumandakia Sungut ring palemahan sungai Kinabatangan ring Sandakan. Pawiwahan campur sajeroning Anak Tionghoa lan Kadazandusun sampun ngembasang suku campuhan "SinoKadazandusun" ring Pinampang, Tembunan, Ranau lan Kuala Penyu.

Kahuripan suku Dayak Kadazandusun

Anak Kadazandusun madué makudang-kudang soroh upacara. Silih tunggil soroh upacara sané mabinayan tekén suku lianan inggih punika upacara Tadau Kaamatan (Harvest Day). Anak Kadazan nénten madué wates aké sentana, ipun makasami ketahnyané madué akéh sentana. Ri makudang-kudang unduk, suku Dayak Kadazandusun madué tradisi kuat sajeroning ilmu mistik. Sasampuné rauh agama Kristen/Katolik lan Islam, akéhan masyarakat magama punika sakéwala kantun nglestariang adat leluhur, lan agama kawitannyané Momolianisme nénten kaengsapin.

Masyarakat Kadazandusun inggih punika masyarakat sané maduésistem sosial egaliter antuk sistem keturunan bilateral. Ipun makasami nongos ring silih tunggil wawangunan umah sané lantang tur madaging kelompok kulawarga sané nongos ring genah sané pateh. Masyarakat Kadazandusun madué keyakinan yéning kahuripan sekular banget mapaiketan antuk kahuripan spiritual. Punika mawinan, patut kajaga mangda seimbang lan rahayu.^[2]

Ring genah

↑ Nancy, dkk., Ariany (2007). Masyarakat di Heart of Borneo (PDF). Malaysia: WWF. p. 10.
↑ "Pengalaman Bermalam dengan Suku Kadazan". Kompas.com. 3 Juni 2008. Kaaksés 22 Februari 2021. |first= missing |last= (help); Check date values in: |access-date= (help)CS1 maint: extra text: authors list (link)

Kepustakaan

Evans, I. H. N. (1953). The Religion of the Tempasuk Dusuns of North Borneo (ring Inggris). Cambridge: Cambridge University Press.
Rutter, Owen (1922). British North Borneo: An Account of its History, Resources and Native tribes (ring Inggris). London: Constable & Co, Ltd.

[1] Nancy, dkk., Ariany (2007). Masyarakat di Heart of Borneo (PDF). Malaysia: WWF. p. 10.

[2] "Pengalaman Bermalam dengan Suku Kadazan". Kompas.com. 3 Juni 2008. Kaaksés 22 Februari 2021. |first= missing |last= (help); Check date values in: |access-date= (help)CS1 maint: extra text: authors list (link)

[1]

[2]