Socotra
Pulo Socotra inggih punika pulau alit ring Segara Arab ring Samudra Hindia sisi kauh kaja. Resmi dados druwen Yaman. Pulo puniki magenah 380 km saking Jazirah Arab[1]. Socotra miwah sisa-sisa kepulauan ring dija genahnyané inggih punika benua mikro sané manut geografis dados pahan saking Afrika. Kota utama ring pulo puniki inggih punika Hadeibo, sané magenah ring pasisi kaja. Manut sensus warsa 2004, wenteé 42.442 jadma sané magenah ring pulo puniki, rumasuk 8.545 ring Hadeibo. Punika pinaka genah embasnyane basa Soqotrian. Ring warsa 2018, Uni Emirat Arab nyerang Socotra lan ngusir warga Yaman. Ring tanggal 14 Mei 2018, kontrol Yaman ring Socotra sampun jangkep kawaliang. Luas Pulo Socotra inggih punika 3625 km². Titik sané pinih tegeh ring Socotra inggih punika Gunung Mashanig sane tegehnyane 1500 m. Iklim ring Pulo Socotra puniki gurun tropis. Rata-rata suhu ring warsanyane sawatara 25 derajat. Pulo puniki sampun kaisolasi yutaan warsa. Sané mangkin, sawatara 700 soroh buron lan entik-entikan maurip irika, sané nenten kapanggn ring genah sané lianan. Entik-entikan sané pinih kaloktah inggih punika taru Dracaena. Wit-wit puniki naenin nglikub Socotra antuk alas subtropis kuno. Socotra taler madué akeh spesies kedis endemik minakadi Nectarinia balfouri, Cisticola haesitatus, Passer insularis, Incana incana lan Rhynchostruthus socotranus. Lianan ring paksi, bunglon, kepiting miwah serangga taler maurip irika. Saking mamalia, wantah asiki spesies lelawah Hypsugo lanzai.
Pustaka
uah- ↑ "Socotra islands scenery in Yemen-China Youth International". web.archive.org. 2017-09-05. Kaarsipin saking versi asli ring 2017-09-05. Kaaksés 2024-11-21.CS1 maint: BOT: original-url status unknown (link)