Sloka

Sloka (Basa Indonésia pateh sekadi "Bidal") punika masaih ring sesonggan, kantun ilid artinipun. Kewanten binanipun, sloka puniki ngengge lengkara; Buka slokane,......., Buka slokane gumine,......., Kadi slokan jagate,........

Conto

1. Buka slokane, adeng buin sepita, suksemanipun: kaucapang ring anake sané kalintang plapan (tangar) ngraos miwah melaksana.
2. Buka slokan gumine, nundunin macan turu, suksemanipun: sakadi anake sané nantangin musuh sané sampun nengil.
3. Skadi slokan jagate, sukeh anake ngebatang banjar, suksemanipun: wiakti sukeh pisan anake dados klian jaga ngladenin anak akeh (rakyat).
4. Buka slokane, aji keteng mudah, aji dadua mael, suksemanipun: kaucapang ring anake sané neten uning ngajinin pitresnan kalih paweweh anak lianan (timpal).
5. Buka sloka, ajum-ajuman puuh, sangkure masih ia, suksemanipun: sakadi anake sané beog ajum, pamuput ipun pacang pocol wiadin sengkala.
6. Buka slokane, apa ane pamula, keto ane kapupu, suksemanipun: napi sané kakaryanin, sapunika taelr pikolehipun; yéning melaksana kaon, sinah sengkala sané jagi kapanggih.
7. Buka sloka, bani mabak jepun, eda takut kena getahne, suksemanipun: yéning purun ngambil pakaryan sané ageng tur abot, sampunang ajerih pacang manggihin pakeweh utawi kabean ageng.
8. Buka slokane, bantang busuk badingang, apa tuara misi, suksemanipun: kiwangané san elintang, yéning mangkin malih medalang wiadin raosang, janten ngakehang kanten kaiwangan ipun.