Sisilia

Sisilia (Italia: Sicilia; Inggris: Sicily) inggih punika wawengkon otonomi Itali lan nusa pinih ageng ring Segara Tengah, antuk jimbar wawidangan 25.703 km², ibu kotané magenah ring Palérmo.

Sisilia magenah ring tengah Segara Méditérania, sikelod Samenanjung Itali ring banua Éropa; punika kawelasabg skaing Calabria olih Selat Méssina. Genah pinih kaloktah ring wawidanganné wénten Gunung Étna, gunung marapi aktip pinih tegeh ring Éropa, lan pinaka silih sinunggil sané pinih aktif ring jagaté, mangkin tegehné 3,357 m (11,014 ft).