Serabi
Serabi pinaka silih tunggil tatamian sanganan tradisional Indonésia. Sanganan punika sané ketah kauningin wit saking daerah Bandung miwah Solo. Makakalih daerah puniki maderbé rasan serabi soang-soang sané matiosan. Serabi solo akéhan marasa manis antuk adonan pinih tipis, sakéwanten serabi bandung marasa nyangluh saha adonané pinih tebel miwah padet. Serabi punika kapanggang nganggén cara sakadi nguni, minakadi payuk saking tanah barak asapunika taler nganggén adeng miwah saang.[1] Serabi dumun, sampun wénten duk warsa 1923. Serabi wit saking basa Sunda inggih punika kruna "sura" sané mateges ageng (gedé). Serabi ketah kawastanin pancake sané wit saking Belanda. Yening pancake nganggén tepung miwah taluh, adonan serabi kakaryanin nganggén tepung terigu, tepung baas miwah santen nyuh. Serabi puniki kocap pinaka cihna tatamian saking campuhan budaya India miwah Indonesia duk nguni. Yéning ring Bali, wénten taler serabi sané ketah kawastanin jaja laklak, sakéwanten wangunné alitan.
Lakar
uahRing sor puniki katlatarang bahan-bahan sané kanggén rikala ngaryanang kué Serabi.
- Gula pasir akéhné selaé gram.
- Vanila bubuk atengan sinduk téh.
- Tepung baas satus gram.
- Santen 350 ml.
- Tepung terigu acékot.
- Ragi atengan cékot.
- Don pudak agenepan
- Don biu agenepan
- Uyah seprapat cékot
- Lengis nyuh
- Buah nangka, getep dadosang kotak cenik
- Kalih dasa gram meses coklat
- Vanila bubuk
- Keju[2]
Tata Cara Ngaryanang
uahTata cara ngaryanang kue serabi, inggih punika sakadi ring sor puniki.
- Lablab santené, dagingin don pudak, wewehin uyah utawi tasik, aduk kantos rata saha ngrodok. Raris genahang mangda anget kuku.
- Campuhang makasami bahan tiosan,minakadi tepung baas, tepung terigu, ragi, gula pasir, saha aduk kantos rata. Pulang adonan santen, raris aduk malih.
- Tepak-tepak adonan punika mangda ngenah belig, wusan nika banggiang adonan punika sawetara galah ajam.
- Siagayang payuk pajangkan sané kaolesin lengis nyuh akidik, saha genahang ba duur api sané sedeng.
- Rikala sami sampun sayaga, pulang adonan wawu ka panyangkané, raris jantos kantos ngrodok saha ngenah bolong-bolong, yén sampun ngenah bolong-bolong ring adonané, raris dagingin bubuk vanila, meses coklat, miwah tugelan nangka.
- Raris kaput aji don biu rikala sampun lebeng. [3]
Pustaka
uah- ↑ "Camilan Bangsawan, Simak Sejarah dan Resep Membuat Serabi Kuliner Khas Bandung". www.katakini.com (ring Inggris). Kaaksés 2023-03-09.
- ↑ Media, Kompas Cyber (2021-12-09). "Resep Serabi Kuah Kinca untuk Jualan, Lembut dan Bersarang". KOMPAS.com (ring Indonesia). Kaaksés 2023-03-09.
- ↑ Anggraini, Julia (2021-10-06). "SERABI - Asal Usul, Resep dan Cara Mudah Membuatnya". Pinhome (ring Inggris). Kaarsipin saking versi asli tanggal 2022-12-11. Kaaksés 2023-03-09.