Selametan

Selamatan inggih punika silih tunggil tradisi ritual sane kalaksanayang olih krama Jawa. Selamatan taler kalaksanayang olih krama Sunda miwah Madura. Selamatan pinaka wentuk suksma para kramane. Irika kramane ngundang makudang kulawargannyane utawi pisaga. Ring genah tradisional, upakara syukuran puniki kakawitin antuk maibadah sinarengan, malinggih masila ring ajeng tikeh nglingkerin nasi tumpeng sareng darangnyane. Selamatan puniki ketahnyane kalaksanayang antuk nyanggra makasami paundukan, minakadi kaembasan, kapademan, pawiwahan, miwah magingsir genah meneng.

Upakara Selamatan

Wit kruna

Selamatan punika mawit saking kruna slamet (Arab: salamah) sane artosnyane 'rahayu, bagia, miwah sentosa'. Selamat punika kaartosang pinaka paundukan sane lempas saking kawentenan sane nenten kakayunin. Upakara selamatan punika dados silih tunggil tradisi sane kaprecaya prasida ngadohang saking kasengsaran.

Esensi

Manut saking buku sane mamurda Agama Jawa: Ajaran, Amalan, miwah Asal-Usul Kejawen, selamatan ring Jawa pinaka wentuk bhakti kramane sane kasengguh pangastuti utawi abon-aboning panembah. Pangastuti punika dados pahan saking wentuk kapatuhan majeng ring Tuhan, lianan punika abon-aboning panembah jati pinaka tradisi kaembasan, urip, miwah kapadempan kramane. Kaembasan, pawiwahan, miwah kapademan punika galah transisi pitehan kauripan krama Jawa. Selamatan ring konteks puniki mawiguna antuk ngrereh karahayuan miwah karajengan gumine sane ring kaprecayan krama Jawa dados realitas supranatural.