Segara Sawu (aksara Bali: segara​sawu) silih tunggil segara alit ring jero Indonésia kaaranin saking Nusa Sawu ring wates sisi kelod. Punika kawatesin olih Nusa Sawu miwah Rai Jua ring kelod, kapuloan Nusa Roté miwah Timor (sané kakepah dados Timor Lésté miwah Indonésia) ring kangin, Nusa Florés miwah Kapuloan Alor ring kalér/kalér kauh, miwah Nusa Sumba ring kauh/kalér kauh. Riantara nusa-nusa puniki, ipun ngembak nuju Samudra Hindia ring kelod miwah kauh, Segara Florés ring kalér, miwah Segara Banda ring kalér kangin.

Segara Sawu
Laut Sawu
Savu Sea is in Southeast Asia
Genah Segara Sawu ring jero Asia Kelod Kangin
Peta
GenahAsia Kelod Kangin
Koordinat9°45′S 122°00′E / 9.750°S 122.000°E / -9.750; 122.000Koordinat: 9°45′S 122°00′E / 9.750°S 122.000°E / -9.750; 122.000
TipeSegara
ÉtimologiNusa Sawu
Wagian sakingSamudra Hindia
Basin saking negaraTimor Lésté miwah Indonésia
PaumahanKupang

Dalem segara Sawu ngantos sawatara 3500 m. Puniki jangkep 600 km saking kauh nuju kangin, miwah 200 km saking kalér nuju kelod. Jimbar segara puniki 3,5 yuta héktare. Kota pinih ageng punika Kupang, ibukota propinsi Nusa Tenggara Kangin ring nusa Timor, antuk krama 450,000 diri.

Pajimbaran uah

Organisasi Hidrograpi Internasional (IHO) nikayang Segara Sawu manados silih tunggil patoyan ring Kapuloan Hindia Kangin. IHO manetapang pawatesan ipun sekadi:[1]

Ring sisi kalér. Ring wates Kelod Segara Florés [Pasisi kalér Nusa Florés, Komodo, Banta miwah jalur nuju Tanjung Naroé ring Kalér Kangin titik Nusa Sumbawa, punika salantang pasisi Kalér nuju Tanjung Sarokaja (8°22′S 117°10′E / 8.367°S 117.167°E / -8.367; 117.167)] miwah Segara Banda [125° kangin ... [ring] Nusa Alor, asapunika ngiterin titik Kangin miwah ring selantang pasisi Kalér Kapuloan Alor, Pantar, Lembata miwah Adonara taler ngentasin ujung kalér Selat Florés ngantos Tanjung Serbété ring ujung kangin Florés].

Ring sisi kangin. Antuk méridian saking 125° kangin riantara Nusa Alor miwah Timor.

Ring sisi kelod. Antuk jalur saking titik Kelod Kauh Timor nuju titik Kalér Kangin Nusa Roté, ngentasin nusa puniki nuju titik Kelod Kauh jalur nuju Nusa Ndana (10°49′S 121°17′E / 10.817°S 121.283°E / -10.817; 121.283) dan ke Tanjung Ngundju, ujung kelod Nusa Sumba miwah saking nusa puniki nuju Tanjung Karosso, titik Kauh nyané.

Ring sisi kauh. Satunggal jalur saking Tanjung Karoso (Sumba) nuju Toro Doro (8°53′S 118°30′E / 8.883°S 118.500°E / -8.883; 118.500) ring pasisi kelod Sumbawa.

Palemahan uah

Segara Sawu rumasuk ring cagar alam segara (marine protected area) saking 2009, miwah wagian saking Segitiga Terumbu Karang. Panetapan puniki teges ipun éksploitasi ring segara puniki patut mikolehin lugra saking pameréntah irika; tiosan kakait ring kauripan 151 désa bendéga saking 10 kabupatén miwah pacang mingaruhin 25.625 kulawarga.

Kawéntenang 500 jenis koral miwah 300 jenis ulam ring patoyan cagar alam pinih jimbar ring wewengkon Segitiga Koral. Liyanan, Segara Sawu manadoa jalur migrasi saking 14 jenis Cetacea (rumasuk paus pelung miwah paus sperma/lodan), taler papat saking pitung jenis penyu (penyu ijo, penyu sisik, penyu lekang, miwah penyu belimbing).

Segara puniki kantun ketah kaéksploitasi ilégal miwah ngarusak, sekadi penganggéan bom miwah sianida. Ring sisi tioasan, utsaha konserpasi miwah pangawasan kantun kakendala kirangan sumber daya.[2]

Petoyan uah

Pustaka uah

  1. "Limits of Oceans and Seas, 3rd edition" (PDF). International Hydrographic Organization. 1953. Kaarsipin saking versi asli (PDF) tanggal 8 October 2011. Kaaksés 7 February 2010.
  2. Setyawati, I. Savu Sea still faces tough challenges ahead. The Jakarta Post. Édisi daring 18-12-2020.