Ronggéng gunung
Ronggeng Gunung inggih punika silih tunggil sesolahan buhun (kuna) saking wawengkon Priangan Kangin sané katujuang antuk konsép balih-balihan minimalis. Ring pamahbah miwah dasar ipun, sesolahan puniki dados sarana ritual krama kampung antuk manghormatin Déwi Sri miwah balih-balihan sewusan panén padi. Sakéwanten, sesampun kamargiangné sistem pakebunan kolonial Belanda, sesolahan puniki magentos kawigunaan ipun dados sarana balijh-balihan sané patut kalaksanayang anak istri pribumi majeng pakarya-pakarya ahli kontrak sané karauhang Belanda.[1] Sesolahan ronggeng gunung embas saking pacampuhan bajidor miwah pencak silat.[2] Ronggéng Gunung kasolahang suwé ipun 2 nganti 12 jam ring asiki bebalihan. Ring asiki bebalihan punika ketah kairingin 6 nganti 8 tetabuhan. Sacara umum, tema tetabuhan punika nyaritayang indik kerinduan majeng gegélan miwah sesimbingan majeng parompak sané sampun ngamatiang Anggalarang.[3]
 | |
|---|---|
 Tari Ronggeng Gunung | |
| Aran asli | ᮒᮃᮛᮤ ᮛᮧᮀᮌᮦᮀ ᮌᮥᮔᮥᮀ (Sunda) Ronggeng Gunung (Indonésia) |
| Genre | Tradisional |
| Jejak waktu | degung |
| Penemu | Wong Sunda |
| Saking | Indonésia |
Etimologi
uah
Ronggéng maasal saking kruna renggana (basa sansakerta) sané madué artos anak istri pujaan ati. Anak istri pujaan puniki dados pragina sané kapilih antuk nyanggra tamiu agung krajaan sané stata kairingin tetabuhan tradisional.[3] Sapunika kruna gunung kakait sareng wawengkon pakampungan (pagunungan) dados genah sasolahan puniki maasal miwah ngelimbak.[4]
Lelintihan
uahRing pamahbahné, ronggéng gunung polih dados sesolahan wali upacara adat sekadi panén raya, nyanggra tamiu, pawiwahan, dan sunatan, daweg nika akéh sané madaging indik kajaruhan saking pragina. Sakéwanten, daweg warsa 1904 nganti 1945, makudang nilai miwah konsép panyajian ronggéng gunung polih pagentosan manutin parikrama tur tatakrama sané nyansan magentos ring krama irika. Silih tunggil conto pagentosan parikrama punika pragina nénten kadadosang ngusudin para pragina lanang taler pra pamiarsa lanang sané nyarengin sesolahan ronggéng.[5]
Pustaka
uah- ↑ Ratih, Dewi; Sondarika, Wulan (2017-09-05). "ANALISIS POTENSI DESA DITINJAU DARI SOSIAL BUDAYA KESENIAN TRADISIONAL RONGGENG GUNUNG DALAM MENINGKATKAN PENDAPATAN MASYARAKAT PRASEJAHTERA (Studi kasus di desa Ciulu Kec. Banjarsari Kab. Ciamis Jawa Barat)". Jurnal Artefak (ring Indonesia). 4 (2): 161–166. doi:10.25157/ja.v4i2.909. ISSN 2580-0027.
- ↑ "Ronggeng Gunung Miliki Sejarah dan Perkembangan di Pangandaran". SINDOnews.com (ring Indonesia). Kaaksés 2020-09-07.
- ↑ 3,0 3,1 S, Euis Thresnawaty (2016-06-02). "RASPI SANG MAESTRO RONGGENG GUNUNG". Patanjala: Journal of Historical and Cultural Research (ring Indonesia). 8 (2): 235–250. doi:10.30959/patanjala.v8i2.75. ISSN 2598-1242. Kaarsipin saking versi asli tanggal 2022-07-26. Kaaksés 2023-03-01.
- ↑ Nopianti, Risa (Maret 2014). "Dari Ronggeng Gunung ke Ronggeng Kaler". Patanjala. 6 (1): 81–92.
- ↑ Teguh, Irfan. "Raspi, Ronggeng Gunung yang Lahir dari Penderitaan". tirto.id (ring Indonesia). Kaaksés 2020-09-07.