Rihanna
Robyn Rihanna Fenty (lahir 20 Februari 1988) inggihnyané asiki pagending, pangawi lagu, aktris, miwah pengusaha mawangsa Barbados sané sampun kasub mawinan ngelut sakancan gaya musik miwah nguwah citrané ring salantang pakaryanné.
Embas ring Saint Michael, Barbados, tur ageng ring Bridgetown, ida magingsir ka Amerika Serikat, miwah ngalingga tangan kontrak rekaman sareng Def Jam Recordings. Ida ngamolihang uratian sané signifikan sasampun ngrilis kalih album studio kapertama Music of the Sun, (2005) miwah A Girl like Me (2006) sané makalih kainsipirasi olih musik Karibia tur wénten ring genah kirang saking dasa besar di Billboard 200 AS. Album studio katiga Good Girl Gone Bad (2007), ngranjing malih akéh elemen dance-pop tur ngawé ngamolihang uratian sané malih ageng, ngawé ngamolihang status pinaka asiki simbol seks miwah pragina utama ring industri musik. Gending nomor siki internasional ring album niki "Umbrella" ngawé Rihanna ngamolihang Grammy Award pertamané, pinaka Best Rap/Sung Collaboration.
Rihanna ngamedalang campuhan saking pop, dansa, dan R&B ring papat album studio salanturnyané, Rated R (2009), Loud (2010), Talk That Talk (2011), miwah album pemenang Grammy Award Unapologetic (2012). Papat rilis niki nyikiang eksperimen saking sakancan gaya musik miwah konsolidasi kesuksesan grafik internasional Rihanna, Unapologetic dados album nomor siki kapertamanyané ring Amerika Serikat. Album-album punika ngembasang agabungan gending sané ngenahang muncuk tangga gending, rumasuk "Rude Boy", "Only Girl (In the World)", "What's My Name?", "S&M", "We Found Love", "Diamonds", miwah "Stay". Album studio kaping kutus, Anti (2016), nujuang kendali antuk pikayunan artistiknyané sasampun ngicalang Def Jam. Album puniki dados album nomor siki makalih ring Amerika Serikat tur ngasilang gending mamurda "Work". Ring samping materi solo, Rihanna sampun macampuhan sareng artis rekaman sakadi Drake, Eminem, miwah Calvin Harris.
Sampun ngadol lebian saking 250 yuta rekaman, Rihanna pinaka silih tunggil saking artis musik terlaris ring jagat. Ida sampun madué patbelas gending nomor siki miwah telung dasa gending dasa besar ring Amerika Serikat, tur telung dasa gending dasa besar ring Britania Raya.[3] Adi jayanthi rumasuk sia Grammy Awards, tlulas American Music Awards, roras Billboard Music Awards, miwah nenem Guinness World Records.[4] Forbes ngasukang ring dasa besar selebritas antuk bayahan tegeh ring warsa 2012 warsa 2014, miwah Time ngangkenin pinaka silih tunggil 100 jadma pinih mabuat ring jagat ping kalih (2012 tur 2018). Ring samping pakaryan musik sané sukses, Rihanna kaloktah mawinan mapaiketan ring tetujon pawongan, utsaha wirausaha miwah industri mode. Ida pinaka pangadeg saking organisasi waralaba mawasta Clara Lionel Foundation, merek kosmetik Fenty Beauty, miwah umah mode mawasta Fenty ring sor LVMH. Ring warsa 2018, pemerintah Barbados nujuang pinaka asiki duta antuk tugas mempromosikan edukasi, pariwisata, miwah investasi.
Pustaka
uah- ↑ "Kekayaan Bersih Rihanna". Victor Mochere. Kaarsipin saking versi asli tanggal 2024-02-18. Kaaksés 2024-05-11.
- ↑ Robehmed, Natalie. "Rihanna's Net Worth: $2 Million In 2018". Forbes.
- ↑ "Rihanna's 30 Top 10 UK singles". Official Charts.
- ↑ "List of Rihanna's Guinness world records". Go Barbados. Kaarsipin saking versi asli tanggal 2023-07-13. Kaaksés 2024-05-11.