Ranau

Ranau inggih punika pekan sané magenah ring wewidangan Ranau, pasisi Pasih Kauh Kaja Nagari Sabah, Malaysia. Ranau madué 3 margi utama sané ngubungang sareng kota lianan sakadi Kota Kinabalu, Pasih Kangin Sabah miwah Pedalaman. Margi punika wantah margi Ranau/Tamparuli, margi Ranau/Telupid miwah margi Ranau/Tambunan. Tiosan punika, margi lianan ngubungang wewidangan pekan Ranau sareng désa-désa ring wewidangan Ranau.

Asal-usul

Ranau mawit saking Ranahon sané maarti wewidangan uma padi. Ketahnyané krama désa ring wewidangan Ranau nandur taru padi huma utawi padi bukit sané nganutin wentuk tanah drika sané mabukit bukau. Sakéwanten, majeng krama ring Lembah Ranau, kramané drika nandur padi uma utawi ring basa drika kawastanin Ranahon utawi Ranau.

Krama Ranau

Akéh krama sané kacatet ring wewidangan Ranau kirang langkung 8,970 miwah makéhan sangkaning suku Kadazan-Dusun. Taru coklat wantah pangupajiwa krama ring wewidangan Ranau. Wénten kirang langkung 1838 hektar tanah drika katandurin coklat. Lembaga Koko Malaysia (LKM) nundén 1,631 petani coklat ring Ranau nganggén soroh coklat sané pinih becik. Biji coklat kering pinih tegeh ajiné sangkaning aji coklat belus. Menteri Perusahaan Perladangan miwah Komoditi Malaysia Tan Sri Bernard Dompok mahu Ranau kaloktah antuk industri koko.