Rajawali Papua

Rajawali Papua inggih punika silih tunggil soroh kedis Elang saking famili Accipitridae, sub famili Harpiinae sareng Genus Harpyopsis. Rajawali Papua madue wastan ilmiah inggih punika Harpyopsis novaeguineae. Elang Papua wantah siki-sikine elang sane magenah ring Indonesia saking siki sekaa kulawarga harpiinae saking 3 soroh elang sane wénten inggih punika elang jambul miwah elang happy. Kedis puniki wantah spesies endemik ring New Guinea miwah kapah kapanggihang ring makasami pulo. Rajawali Papua ukuranne kirang langkung 75-90 cm sareng rentang kampid 157 cm miwah baatne 1.600-2.400 gram. Bagian duur mawarna coklat keabu-abuan, tangkahne mawara coklat pucat, kampid lebar, paruh kuat, iris ageng. Ring bagian ikuh, Rajawali Papua mesib sakadi elang laut perut putih sane pateh maikuh endep miwah bulune mesib sareng elang ikuh lantang. Rajawali Papua madue batis sane lantang miwah kuat.