Rahina Kamahardikan Republik Indonesia
Rahina Kamahardikan Républik Indonésia (sané jangkep: Rahina Kamahardikan RI, sarahina sering kabaos: Tujuhbelasan) inggih punika rahina sané mikelingin kahamardikan Républik Indonésia. Républik Indonésia ngukuhang kamahardikan ipun ring 17 Agustus 1945.
Nyabran warsa makasami krama Indonésia mikelingin rahina kamahardikane puniki antuk ngamardiang makudang-kudang pacentokan utawi lomba. Pacentokan sané katah kamargiang inggih punika panjat pinang, lomba ngajeng kerupuk, utawi lomba tarik tambang. Lombane puniki kamargiang ring soang-soang banjar, ring soang-soang désa, kantos ring kantor-kantor miwah sekolah.
Tiosan ring ngamargiang lomba, ring sekolah utawi kantor pastika taler ngamargiang upacara bendera. Pamargin Upacara bendera puniki wantah silih tunggil jalaran ngwangiang para wira rananggana utawi pahlawan sané sampun mabela pati nindihin jagat Indonésia mangda sida ngamanggihin kamahardikan.
Upacara bendera sané utama kamargiang ring Istana Présidén Républik Indonésia. Pamargin upacara bendera ring Istana Presidan puniki kasarengin olih makudang-kudang manggala praja ring wewidangan pamrentahan Indonésia. Taler kasarengin olih manggala praja saking Duta Besar sané ngangganin pamrentah dura negara ring Indonésia.
Kewajiban mengibarkan bendera uah
Undang-Undang Républik Indonésia Nomor 24 Tahun 2009 indik Bendera, Bahasa, dan Lambang Negara serta Lagu Kebangsaan pasal 7 ayat 3 mengatur indik kewajiban mengibarkan bendera Merah Putih bagi setiap warga negara yang memiliki hak penggunaan rumah, gedung kantor, satuan pendidikan, transportasi publik dan transportasi pribadi di wilayah NKRI, serta kantor perwakilan diplomatik Indonésia di luar negeri pada tanggal 17 Agustus.[1]
Mikelingin Rahina Kamahardikan ring Istana Merdeka RI uah
Mikelingin Rahina Kamahardikan ring Istana Merdeka kamanggalain olih Présidén RI minaka Inspektur Upacara. Upacara bendera puniki kakawitin saking galah 10:00 WIB. Upacara puniki kasobyahang ring makudang-kudang stasiun tV stasiun televisi nasional Indonésia. Acara-acara kakawitin antuk penembakan meriam miwah sirene, ngibarang bendera Sang Saka Merah Putih (Bendera Indonésia), ngwacen naskah Proklamasi, Flypast Jet Tempur TNI AU sané pacang nguncarang rahajang mikelingin rahina kamahardikan saking kokpit jet tempur, Aubade saking Paduan Suara Gita Bahana Nusantara, miwah sané tiosan. Nedunang Bendera Negara Sang Saka Merah Putih kamargiang ring galah sore, pamargine puniki taler kasiarang stasiun televisi nasional Indonésia.