Pupuh sinom

Pupuh sinom inggih punika silih tunggil soroh wangunan tembang sané ngeranjing ring sekar alit sané rumasuk ring kasusastran Bali Purwa marupa puisi (sastra tembang).^[1]^[2] Pupuh Sinom madue 10 bait miwah padalingsané 8A, 8I, 8A, 8I, 8I, 8U, 8A, 8I, 4U/A, 8A. Pupuh niki tasih wenten ring budaya Sunda miwah Jawa.

Conto

Kasurat saking Singarajapost olih Putu Manik.^[3]

Sane mangkin kahaturang
Indik panca yadnya yukti
Panca maarti lelima
Yadnya korban sane suci
Maring dewa pitra rsi
Manusa lan bhuta mungguh
Ngiring mangkin laksanayang
Saking manah ne sujati
Mangda patut
Sane mangkin kapilahang.

Indik manyuwang kurenan
Liu ngabe unduk rimbit
Reh sanget ngawe sengkala
Yan iwang bahan nindakin
Munah turunan padidi
Kadat utamane pangguh
Mingkin ane madan gamya
Ne ngawe letuhing gumi
Sang prabu
Yogya ida manyisipang

Lontar cumbwana sesana
Pepesang to ngawecanin
Apang seken apang tatas
Ring tingkahe ngambil rabi
Mangda tan pati purugin
Reh agung halane pangguh
Keweh malih mengawitang
Ngumbah pelihe nyumunin
Nyelsel pangguh
Melah yatnain matingkah

Anak ngaba sakit nglahlah
Sakit ila minakadi
Salwir sakite rahat
Ne pacing keweh nambanin
Ne keto nyandang kelidin
Apang de ngembahang racun
Turunane dadi rusak
Kawitane pacing sedih
Ngadu sungsut
Pada nemu kasangsaran

Durung puput bebawosan
Matur dane Gusti patih
Singgih ratu suryan titiang
Yukti wawu titiang eling
Yan tan ratu makelingin
Janten titiang ndatan weruh
Kotamaning sang meyadnya
Nika lungsur titiang mangkin
Ledang ratu
Mapica ring sikian titian

Ledang Ida miragiang
Idep cening luwih jati
Jani bapa manuturang
Apang cening tatas uning
Nyupat lara kaping siki
Ngardinin jagat rahayu
Ping telune mangda tatas
Yaning mantuk tan mewali
Sapuniku
Phalaning menangun yadnya

Yéning Ida sang Brahmana
Piagemé kasungkemin
Yogya melajah mahoma
Patut mapawéwéh malih
Paica aturan luwih
Seneng masucian laut
Ngajah lan dados nayaka
Sang mahoma lan samadi
Yogya kayun
Nampén paica haturan

Bratan Ida sang Brahmana
Roras katahnya sujati
Bacakan ipun punika
Dharma Satya Tapa Hrih
Wimatsaritwa Drthi
Titiksa lan dana milu
Dama miwah Anusaya
Ksama taler menyarengin
Jangkep sampun
Babratan sang Brahmana

Sewos medagang-dagangan
Guna kayane mesari
Tikare metampak dara
Rahayu sida kapanggih
Ngamijilang putra – putri
Suguna laksana ipun
Pitindih ring kadang mitra
Anresangsya welas asih
Krama liyu
Ngemanggehang sastra gama

Malih pategen-tegenan
Abot ringan ne rasanin
Priyuksareng tutup ika
Atukar alaki rabi
Nanging inangen di hati
Nora pasha teges ipun
Tridatu warna ring sampat
Tri pramana tungal dadi
Sabda bayu
Miwah idepe melampah

Pupuh sinom sewaganti

Hidupe mondong sengsara
Mangkin hidup besok mati
Memanjakin kranjang padang
Peteng lemah ye puponin
Tan wangde tua lantas mati
Sane keto pacang tepuk
Puput dane nimbang manah
Tumuli mebalik mulih
Tur kecunduk
Meme bapannyane jumah

Pustaka

↑ "Sekar Macepat/Sekar Alit/Pupuh sané wénten ring Bali" (ring Indonesia). Kaaksés 2020-05-30.
↑ Ngakan Madé Kasub Sidan. Sekar Rampe Basa Bali, 2008
↑ Manik, Putu (2022-11-18). "10 Contoh Pupuh Sinom Bali Lengkap dengan Aturan Padalingsa - Singaraja Post - Halaman 3". 10 Contoh Pupuh Sinom Bali Lengkap dengan Aturan Padalingsa - Singaraja Post - Halaman 3 (ring Indonesia). Kaarsipin saking versi asli tanggal 2023-05-29. Kaaksés 2023-05-29.

[1] "Sekar Macepat/Sekar Alit/Pupuh sané wénten ring Bali" (ring Indonesia). Kaaksés 2020-05-30.

[2] Ngakan Madé Kasub Sidan. Sekar Rampe Basa Bali, 2008

[3] Manik, Putu (2022-11-18). "10 Contoh Pupuh Sinom Bali Lengkap dengan Aturan Padalingsa - Singaraja Post - Halaman 3". 10 Contoh Pupuh Sinom Bali Lengkap dengan Aturan Padalingsa - Singaraja Post - Halaman 3 (ring Indonesia). Kaarsipin saking versi asli tanggal 2023-05-29. Kaaksés 2023-05-29.

[1]

[2]

[3]