Pulo Mamutik

Pulo Mamutik inggih punika pulo pinih alit ring susunan pulo Taman Negara Tunku Abdul Rahman. Pulo puniki magenah kirang langkung 3 km saking Jeti Jeselton Kota Kinabalu antuk jimbarnyané 15 héktar (61,000 m2). Pulo-pulo sané magenah ring Taman Negara Tunku Abdul Rahman inggih punika Pulo Gaya, Pulo Sapi, Pulo Manukan, Pulo Mamutik miwah Pulo Sulug.

Wewidangan Pulo Mamutik

Yadiastun pulo puniki alit, nanging madué pasih sané becik miwah terumbu karang. Pulo Mamutik ketah pinaka genah masandekan para tamiu ring Taman Negara Tunku Abdul Rahman. Watu karang ring kangin segarané pinih ngulangunin. Bias pasih ring pulo puniki mawarna putih miwah toyané ening pisan.

Pulo Mamutik madaging makéh soroh taru-taruan sané tumbuh subur. Tiosan punika pulo Mamutik wantah umah saking karang distichopora asing. Segarané taler wantah genah urip makudang soroh ulam sakadi Sergeant Major, Parrot fish, Butterfly fish miwah Angle fish, taler genah antuk ulam Clown Anemonefish.

Ring tengah-tengah pulo wénten makudang sétra kuno sané wantah sétra krama pangawit pulo Mamutik sadurung kagingsirang ka Kota Kinabalu miwah Pulo Gaya ring warsa 1979 sawiréh pulo Mamutik sampun kadadosang Taman Negara.