Pulé Selem
Pulé Selem (Lat.: Alstonia angustiloba Miq.) silih tunggil entikan sané rumasuk ring Apocynaceae. Mentik alami ring Malaysia, Sumatra, Jawa miwah Kalimantan, ring wana utama ring dataran endep nganti duur 500 méter ring duur pamukaan segara. Pulé selem tumbuh ring tanah ampo utawi tanah mabias. Tegeh pohon nganti sawatara 45 méter. Bantang beneng, jegjeg, madiaméter 60 cm utawi langkung, antuj wagian metén ageng. Kulit sisi rata, mawarna klau soklat, engket putih. Don tunggal, mawentuk lonjong nganti bunter taluh mawalik, pamukaan betén putih miwah ambu nyané miik. Woh mapasangan, mawenruk silinder. Serat lantang, ring taru nguda maderer tangensial nampek kambium, ring taru tua kasebar. Bobot soroh taru 0,36, rumasuk kawasaan kelas IV - V miwat kelas kaawetan V. Kaanggén antuk papan, piranti umah tangga, tapel, patung miwah sané liyanan.[2] Ring Samenanjung Malaysia, don kaanggén ring genah limpa antuk nambain gelem remiten. Ring Sarawak, engket kaanggén antuk nambain bisul miwah abses. Ekstrak kulit taru sané incuk punika unsur saking febrifuges miwah vermifuges. Ring Thailand, engket kaanggén nambain sungkan untu. Engket kaanggén antuk nambain herpes zoster, bisul, abses, miwah cacing bungkung. Taler kaanggén lakaran antuk permen karet.[3]
| Pulé Selem | |
|---|---|
| |
| Pulé Selem ring Nusa Ubin, Singapura | |
| Klasifikasi ilmiah | |
| Krajaan
|
|
| (ten wénten takson)
|
|
| (ten wénten takson)
|
|
| (ten wénten takson)
|
|
| Bangsa
|
|
| Familia
|
|
| Marga
|
|
| Spésiés
|
A. angustiloba
|
| Adan Binomial | |
| Alstonia angustiloba | |
| Sinonim[1] | |
| |
Pustaka
uah- ↑ "Alstonia angustiloba". The Plant List. Kaarsipin saking versi asli tanggal 20 January 2022. Kaaksés 6 August 2013.
- ↑ (Indonésia) Hassan Shadily Ensiklopedi Indonésia Jilid ke-6. 1984. Jakarta: Ictiar Baru- Van Hoeve dan Elsevier Publishing Projects.
- ↑ (Inggris) "Pulai hitam". Alstonia angustiloba Miq., Fl. Ind. Bat. 2 (1856). Kaaksés 23 Juni 2014.