Pucuk

Pucuk inggih punika silih tunggil soroh sekar. Sekar pucuk ketahnyané mawarna barak, nanging wénten sané mawarna putih miwah kuning. Pucuk kaanggén hiasan ring patung, sakadi patung ring arep pura. Tiosan punika, pucuk kaanggén hiasan ring udeng. Don pucuké mawarna gadang. Don pucuk dados kaanggén mambuh. Wénten pucuk sané rupannyané alit kawastanin pucuk rejuna, pucuk puniki sané kaanggén ring udeng. Makéh krama Bali sané nandur punyan sekar pucuk, anggéna hiasan ring jumah.