Pratiwi Sudarmono

Pratiwi Pujilestari Sudarmono (embas 31 Juli warsa 1952) pinaka silih tunggil ilmuwan Indonesia. Sane mangkin dane menjabat maka profesor mikrobiologi ring Universitas Indonesia, Jakarta.

Pratiwi kayun pacang sareng ring Index Space Experiment (INSPEX) daweg kantun kelas 2 SD nglantur tamat ring sekolah SD, SMP ring Bandung. Dane nglanturang masa studi SMA nyane ring Jakarta.

Pratiwi Sudarmono manerima gelar Master lan Ph.D saking Universitas Indonesia ring warsa 1977, ring widang Biologi Molekuler saking Universitas Osaka, Jepang ring warsa 1984. Nglantur ngawitin karier ilmiahnyane maka penerima beasiswa WHO antuk maneliti biologi molekuler Salmonella typhi. Saing 1994 kantos 2000, dane menjabat maka manggala Departemen Mikrobiologi Fakultas Medis Universitas Indonesia. Saking warsa 2001 kantos warsa 2002, dane manados pamilet Program Sarjana Fulbright New Century.

Pendidikan

Warsa 1976, Pratiwi molihang gelar kedokteran saking Fakultas Kedokteran Universitas Indonesia, Jakarta.

Warsa 1985, Pratiwi molihang gelar Ph.D. penelitian ring widang Biologi Molekuler saking Osaka University, Jepang. Ri sampune mawali saking Jepang, duk warsa 1985 dane nuju Johnson Space Center, AS jagi nyarengin pelatihan lan molihang Sertifikat Astronot Spesialis muatan. Ring warsa 1992 dane molihang pengakuan maka Spesialis Mikrobiologi Klinis.

Sane mangkin pratiwi menjabat maka petajuh Dekan Fakultas Kedokteran Universitas Indonesia (FKUI) lan aktif pinaka dosen Departemen Mikrobiologi FKUI.

Ring bulan Februari warsa 2008 kaangkat pinaka Guru Besar Kehormatan Ilmu Mikrobiologi Fakultas Kedokteran Universitas Indonesia antuk minat utama Pratiwi inggih punika mikrobiologi klinis lan mangembangang penelitian ring widang mikrobiologi klinis.

Misi Wahana Antariksa STS-61-H

Ring bulan Oktober warsa 1985, dane kajudi sareng ring misi Wahana Antariksa NASA STS-61-H maka Spesialis Muatan. Taufik Akbar maka cadangannyane ring misi puniki. Sakemaon, ri sampune bencana Challenger, pengiriman satelit komersial sakadi Palapa B-3 druwen Indonesia sane karencanayang ring misi STS-61-H puniki kabatalang, dadosnyane misi puniki nenten pernah kamargiang. Satelit punika nglantur kaluncurang antuk sebuah roket Delta.

Ring warsa 1994 kantos 2000, Pratiwi menjabat maka Ketua Departemen Mikrobiologi Fakultas Kedokteran Universitas Indonesia.