Patung Christina Martha Tiahahu

Patung Christina Martha Tiahahu inggih punika silih tunggil patung sane magenah ring Provinsi Maluku. Patung puniki kawangun antuk tatujon mikelingin ri sahananin jasa-jasa pahlawan istri sane mawit saking tanah Maluku rikanjekan mangupaya ngaelawan para penjajah. Martha Christina Tiahahu lan ajinnyane inggih punika Paulus Tiahahu taler Kapitan Pattimura masikian malawan tanding lan nundung para penjajah ring Nusalaut, Maluku.

Babad

Patung  Martha Christina Tiahahu punika wenten makakalih kawangun ring maluku, patung sane kapartama utawi patung sane lami wenten ring tengahin utawi pusat Kota Ambon sane kawangun ring warsa 1969, ri sampune kaanugerahin gelar pahlawan nasional sane katur ring dane Martha Christina Tiahahu saking pemerintah, ngelantur kawangun patung sane anyar sane magenah ring pulo Nusalaut sane pinaka genah dane Martha Christina Tiahahu embas lan patung puniki kawangun ri patengahin warsa 2018. Patung puniki kawangun ring tengahin kota ring pusat kota Ambon lan magenah ring samping Kantor DPRD Provinsi Maluku. Patung puniki ngadeg perkasa ri saduurin bukit Karang Panjang lan marepin ring segara Banda, sane madue tatujon lan suksma antuk mikelingin layonan dane sane kakuburin ring segara Banda. Patung puniki kabuat saking perunggu antuk tegeh patung wantah 6 kantos 7 meter. Yadiastun Patung Martha C. Tiahahu kabuat makta tombak, sakemaon yening karereh ring babadnyane dane Martha Christina Tiahahu wantah masanjata batu ri tatkala maperang tanding ngalawan tentara Belandane. Santukan kaprawiran dan sane kabinawa ri sajeroning utsaha nundung para penjajah saking maluku sane ngangge senjata api Belanda kalawan antuk dane sane wantah masanjata batu, punika maawinan krama ring Maluku maosang dane maka anak istri sane prawira utawi yening basa maluku kabaosang "wanita kabaressi". Aran dane taler kaangge pinaka wastan jalan ring Karang Panjang. Ring dasar monumen madaging tulisan 'Martha C. Tijahahu, mutiara Nusa Laut (Pulau), Pahlawan Nasional RI, yang berjuang untuk mengusir penjajah Belanda dari Maluku, jatuh pada Januari 2, 1818.