Patra punggel

Patra Punggel inggih punika silih tunggil soroh patra sane wenten ring Bali. Patra Punggel kajemak saking kruna punggel sane maarti pugelan utawi potongan. Patra Punggel wantah patra sane pinih makeh kaanggen ring sudut wangunan. Wentuk dasar patra puniki sakadi soroh taru antuk bun-bun don muda ring taru paku. Patra Punggel ring bidang datar wangunan suci utawi wangunan pawongan. Patra Punggel ketahnyane kaanggen antuk nyangkepin kekarangan utawi patra fauna utawi pinaka hiasan. Cihna saking patra puniki wantah genah ring pengulangan pola-pola don sane jimbar miwah lantang manut searah utawi timbal balik. Pola puniki taler prasida kagabungin sareng patra sane lianan. Material sane ketah kaanggen inggih punika watu padas, watu bata, sakancan soroh kayu keras, ring adonan bias semen manut ring material ring jamanne, sakadi gipsum.

Galeri

Bagian Patra Punggel

Patra Punggel kakepah dados makudang bagian, sakadi batun poh, janggar siap, kepitan, miwah util.

Batun poh inggih punika gestiliran saking poh. Batun poh sane kaanggen wantah batun poh golek sane dados inspirasi pinaka bagian saking patra punggel.
Janggar siap wantah gubahan saking janggar manuk utawi ayam jago, wenten ringgitan ring wentuk sisi saking bagian patra punggel.
Kepitan wantah saduran saking kelopak ring sekar nangka utawi timbul, kaanggen panekep carang sane wenten ring patra punggel.
Util wantah gubahan saking wentuk taru paku sane kantun alit, wentuk carang paku malingkeh baduur mawentuk ulir taler bagian saking patra punggel^[1]

Pustaka

↑ Gelebet, I Nyoman, Puja I. G. N. Arinton (1986). Arsitektur Tradisional Daerah Bali. Denpasar: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daérah. p. 334.

[1] Gelebet, I Nyoman, Puja I. G. N. Arinton (1986). Arsitektur Tradisional Daerah Bali. Denpasar: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daérah. p. 334.

[1]