Patra cina

Patra Cina inggih punika pepatran Bali sané pola dasarnyané manutin pola dasar tradisional Indonésia, sakéwala ngambil bentuk sekar pucuk sané mawit saking negri Cina. Pepatran puniki wantah simbul sané kagunayang olih krama Bali sekadi artefak sané medaging nilai-nilai filosofis adat Bali.

Patra Cina inggih punika taler silih tunggil produk multikultural (hasil akulturasi) budaya Bali tur budaya Cina. Para krama Bali sané keturunan Cina ngaryanin patra puniki nganggé pola tradisional Bali miwah bentuk sekar pucuk, sekar sane identik tekéning budaya Cina, makadi simbul persatuan unsur Bali-Cina.

Sejarah

Informasi antuk sejarah Patra Cina wenten ring karya tulis sané katulis olih Sulistyawati sané mamurda “Intergrasi Arsitektur Tionghoa ke dalam Arsitektur Puri Agung Karangasem”. Manut ring tulisannyané, arsitektur ring Puri Amlapura utawi Puri Amsterdam, Karangasem pinih riin kakaryanin olih keturunan Cina, Cik A Tuang. Ornamen puniki wantah simbul akulturasi budaya Bali-Cina ring puri, ornamen Cina nganggé pola khas Bali selanturnyane kawastanin Patra Cina.

Patra Cina wantah stiliran saking sekar pucuk sané pangelolaan batang, don, lan sekarnyané kabuat tegas mangda nyimbulang pola sané kontruktif. Ring Bali, sekar pucuk kaanggé dados Kalpika/Kartika, piranti sulinggih antuk pamuput upacara.

Patra Cina dados Dékorasi

Patra Cina biasané kaanggé dados ornamen ring wewangunan tradisional Bali, contohnyané pura. Ring pura, kapahat ring bagian teben, tengah, utawi duur wangunan. Patra puniki masifat dekoratif tur nyimbulang entik-entikan reriptaan Ida Sang Hyang Widhi Wasa. Ukiran-ukiran Bali tur wayang taler nganggé patra cina puniki.

Galeri

• 
• 
• 
• 
• 
• 
•