Pasih Tembeling
Pasih Tembeling inggih punika silih tunggil genah wisata sane wenten ring Nusa Penida. Pasih puniki maderbe katawahan sane pinih luih yening saihang ring pasih-pasih tiosan. Pabinayanipun inggih punika pasih tiosan sane wenten ring Nusa Penida biasane kaitehin antuk abing saha genahne panes pisan, arang wenten genah maembon, sakewanten yening pasih Tembeling kaitehin antuk punya-punyanan sane ageng saha tis pisan. Rikala nuju genah Pasih Tembeling wisatawan patut nuunin pangkung sawetara limolas menit saking genah parkir. Wiwilan Pasih Tembeling puniki kocap nguni wenten anak istri abot utawi beling saking wewidangan desa punika mamargi kantos ka tengahing wana ngrereh ubuhan ipun. Sasampune neked ring tengahing wana punika ipun nemu genah toya sane pinih ngetisin, punika mawinan pasih punika kawastanin Tembeling santukan kapanggihin olih anak istri sane nedeng beling.[1]
Mata air Tembeling kapah dados kalih kolam, inggih punika genah masiram anak istri sareng lanang. Kolam genah sane lanang punika dalemne sawetara 10 meter. Ring Tembeling taler wenten palinggih Ratu Kanjeng, Pura Taman Panca Gangga, miwah Pura Batu Berlubang[2]. Puniki becik kanggen wisata religi olih kramane.
PUSTAKA
uah- ↑ Tripon, Bali (2021-05-30). "Pantai Tembeling Nusa Penida | Tempat Wisata di Nusa Penida". Paket Tour Bali dan Aktivitas Wisata Bali (ring Indonesia). Kaaksés 2023-09-10.
- ↑ Fahmi (catperku.com) (2022-11-14). "Mengunjungi Tembeling beach, Natural Pool And Forest Yang Tersembunyi [ Wisata Nusa Penida ]". catperku.com (ring Inggris). Kaaksés 2023-09-10.