Parthénon (basa Yunani kuna: Παρθενών; Yunani moderen: Παρθενώνας, Parthenónas) inggih punika kuil duk riin[1] sané magenah ring Akropolis ring tengah kota Athéna, Yunani. Parthénon inggih punika kuil anggén Déwi Athéna sané ngraksayang Kota Athéna. Parthénon ngawit kawangun duk warsa 447 SM, daweg Kota Athéna neked muncuk kajayaan. Kuil punika sampun jangkep duk warsa 438 SM. Parthénon inggih punika bangunan pinih mabuat sané kantun wénten saking masa Yunani kuna tur umpama pinih sempurna saking seni Yunani kuna. Parthénon mabuat pisan mawinan sampun dados cihna Yunani kuna, démokrasi Athéna, Kabudayaan Wétan[2] tur silih tunggil monumén pinih mabuat ring jagaté. Anggén bangsa Athéna kuna, Parthénon inggih punika cihna nyanggra kadigjayan lawan Pérsia tur matur suksma ring déwa-déwi.[3]

Parthénon
Akropolis (Parthénon ring tengah).

Pustaka uah

  1. Barletta, Barbara A. (2005). "The Architecture and Architects of the Classical Parthenon". In Jenifer Neils (ed.). The Parthenon: From Antiquity to the Present. Cambridge University Press. k. 67. ISBN 978-0-521-82093-6
  2. Beard, Mary (2010). The Parthenon. Profile Books. k. 118. ISBN 978-1-84765-063-4.
  3. Bury, J. B.; Méiggs, Russell (1956). A history of Greece to the death of Alexander the Great, 3rd ed. Oxford: Oxford University Press. k. 367–369.