Panganggé Rejang Lebong
Pangangge adat Bengkulu sane katah kabaos Rejang Lenong inggih punika pangangge sane mawit saking Melayu Jambi, Melayu Riau, Melayu Deli, Palembang, dan Lampung. Makueh wit punika taler ngametuang ciri khas ring pangangge Rejang Lebong.
Bengkulu uah
Bengkulu inggih punika provinsi ring polo Sumatra sisi kauh kelod. Manut ring sejarah Bengkulu makueh madue kerajaan/keraton, luire; Kerajaan Sungai Serut, Kerajaan Selebar, Kerajaan Pat Petulai, Kerajaan Balai Buntar, Kerajaan Sungai Lemau, Kerajaan Sekiris, Kerajaan Gedung Agung, miwah Kerajaan Marau Riang. Kawentena akehnyane kerajaan/keraton puniki majanten sampun mapikenoh antuk akeh sektor, silih tinunggilnyane indik pangangge.[1]
Ring acara pawiwahan Bimbang Kejei utawi pawiwahan ring Rejang Lebong kakepah dados kalih rentetan, inggih punika sujut malaikat pinaka bhakti tur nunas restu saking leluhur soang-soang, sane kaping kalih akad nikah ritatkala tamu akeh rauh tur kalaksanayang ring bale lantang.[2]
Uparengge uah
Pangangge Rejang Lebong sane lanang anggen wiwaha taler pragina inggih punika;
- Nganggen jas sane katutup antuk lengen dawa, mawarna selem, barak, miwah pelung,
- Celana dawa sane kabuat antuk satin mawarna pateh sekadi duuran (atasan),
- Cek'ulew pinaka topong sane runcing ka duur,
- Selempang sane melembad saking kiwa songket ngalantur ring bangkiang, biasane mamotif emas,
- Pending sane mawiguna pinaka sabuk bangkiang matatujon ngokohang songket,
- Keris, biasane magenah ring bangkiang pinaka uperengge jangkep busana Rejang Lebongh ring sang purusa/lanang.
Pangangge Rejang Lebong ring sang pradana utawi luh manut ring Buku Pintar Perkawinan Nusantara (2012) olih Hamidin.
Pengangge sane kapertama kaanggen ritatkala upakara sujut malaikat. Para ibu mengenyan ngaryanin bedak utawi pupur pereragan, sane matetujon mangda mengenyan marasa dingin tur sejuk ritatkala upakara kelaksanayang.
Pangangge sujut malaikat olih mengenyan:
- Sunting tapung inggih punika perak tipis sane medue motif minakadi don-donan tur bunga sane medue bentuk mayang. Sunting tapung kasepuh aji emas.
- Daun pitis-pitis, minakadi parasite sejati sane idup numpang ring batang taru. Suksmanipun kokoh ritatkala ngamargiang swadarma ring grhasta asrama. Ring upakara inti, daun pitis-pitis puniki kaanggen dados mahkota sako utawi singa
Lianan sareng pepayasan sembah sujut, sane kaanggen ritatkala akad nikah risedek tamu rauh ring bale lantang wastra kurungan nganggen bahan bludru, selendang songket, sarung guntingan minakadi kain wiron.[2]
Pangangge Rejang Lebong ring sang pradana utawi luh, luire;
- Baju kurung malengen dawa malakar aji baludru, kaawewehin antuk lempeng logam mawarna kuning emas,
- Lumrahne kwaca sane kaangen mawarna bang utawi barak, lembayung, pelung, muah selem,
- Songkep madasar antuk sutera mamotif emas, kaanggen pinaka busana betenan,
- pending pinaka sabuk ring bangkiang,
- Konde sane jangkep antuk tusuk konde muwah mahkota antuk hiasan sungting utawi kembang goyang,
- Nganggen gelang, anting, lan kalung[3]
Pustaka uah
- ↑ Harlembang, Erwin (2021-01-25). "Pariwisata Indonesia". Rejang Lebong, Pakaian Adat dari Provinsi Bengkulu. Kaaksés 2023-03-03.
- ↑ 2,0 2,1 Direktorat Jenderal Kebudayaan Direktorat Sejarah dan Nilai Tradisional Proyek Inventarisasi dan Pembinaan Nilai-Nilai Budaya (1989). Arti Perlambang dan Fungsi Tata Rias Pengantin Dalam Menanamkan Nilai-Nilai Budaya Daerah Bengkulu. Jakarta: Departemen Pendidikan dan Kebudayaan. pp. 121–132.
- ↑ Gischa, Serafica (2021-03-16). "Kompas.com". Baju Adat Rejang Lebong dari Bengkulu. Kaaksés 2023-03-03.