Organisasi Pariwisata Gumi

Organisasi Pariwisata Gumi (UNWTO; aksara Bali: ᵒuᵒenwete​ᵒo utawi yuᵒenwete​ᵒo; Inggris: World Tourism Organization) silih tunggil badan khusus Paiketan Wangsa-Wangsa sané kapercaya antuk promosi, pidabdab malanturan miwah pariwisata sané prasida kaaksés olih sinamian. Puniki organisasi internasional kasub ring widang pariwisata, sané ngapromosiyang pariwisata antuk ngawantu patumbuhan ékonomi, pewangunan inklusip miwah kalastarian palemahan taler nawahin kapimpinan miwah wantuan séktor kawikanan miwah uger-uger pariwisata ring sajebag guminé. Ipun manados pablibagan global antuk pikobet uger-uger pariwisata taler sumber praktis tetilikan miwah kawinanan pariwisata. Puniki ngewantu nicapang Kodé Étik Global antuk Pariwisata mangda ngakéhang kontribusi pariwisata majeng pewangunan sosial ékonomi, sambil ngalitang pikolih sané nénten becik, miwah makomitmen antuk ngapromosiang pariwisata manados instrumen molihang Tatujon Pawangunan Malanturan (SDGs) Paiketan Wangsa-Wangsa, kaarahin antuk pangicalan katiwasan miwah ngawantu pewangunan malanturan miwah padamaian ring sajebag guminé.