Orangutan
Orangutan sili tunggil bojog ageng asli saking wana sabeh ring Indonésia miwah Malaysia. Inucap mangkin wantah katemuin ring makudang wagian Kalimantan miwah Sumatra, menawi ri kala Pléistosén kasebar ring sajebag Asia Kelod Kangin miwah Cina Kelod. Rumasuk ring genus Pongo, orangutan ring pamahbah nyané kanikayang asiki spésiés. Saking 1996, ipun kakepah manados kalih spésiés: Orangutan Kalimantan (P. pygmaeus, antuk tigang subspésiés) miwah Orangutan Sumatra (P. abelii). Warsa 2017, spésiés katiga, Orangutan Tapanuli (P. tapanuliensis), kauningin antuk définitif. Orangutan wantah satunggal spésiés sané kantun idup saking subkaluwarga Ponginae, sané kapisah saking hominid liyanan (gorilla, simpanse, miwah manusa) riantara 19.3 nganti 15.7 yuta warsa sané lintang.
