Nusa Lémbongan

• 
  Sunset ring Nusa Lémbongan
• 
  Désa Jungutbatu ring sisin pasih Jungutbatu miwah gunung Agung ring latar duri.
• 
  Blue Lagoon ring Nusa Lembongan
• 
  Peta Nusa Lembongan
• 
  Kori ring Pura Empuaji, nusa Lembongan

Nusa Lémbongan silih tunggil nusa sané magenah ring wawengkon Kecamatan Nusa Penida, Kabupatén Klungkung. Nusa puniki kasub antuk pariwisata ipun atenga krama ipun makarya ring sektor pariwisata, wénten krama sané makarya dados petani bulung miwah nelayan. Menawi ring warsa 2015 bulung ipun nénten becik mawinan polusi saking industri pariwisata. Nusa sané madué lantang 4,6 km miwah jimbar 1-1,5 km niki magenah kirang langkung 11 km ring sisi kelod kangin nusa Bali.

Nusa Lembongan kakepah dados dua désa inggih punika désa Lémbongan miwah désa Jungutbatu. Désa Lembongan kakepah malih dados 6 dusun miwah 12 banjar adat, sané wawidanganné magenah ring nusa Lembongan miwah nusa Ceningan. Kanenem dusun sané wénten ring désa Lembongan inggih punika; Dusun Kawan, Kaja, Kelod, Kangin, Ceningan Kawan miwah Ceningan Kangin (dua dusun pinih ungkur magenah ring nusa Ceningan).