Ngobéng

Ngobéng inggih punika silih tunggil tradisi mapupul sareng sami utawi kenduri sané wénten ring Palémbang. Tradisi puniki kalaksanayang antuk ngidangang ajengan ring upakara kenduri sakadi ring upakara pawiwahan, khitanan, syukuran, miwah nyanggra rahina-rahina ageng keagamaan lianan sareng nganggén dulang miwah kain persegi papat pinaka sarana antuk ngenahang.

Lelintihan

Tradisi Ngobéng puniki pinaka asil saking pabauran tradisi Islam sareng kebudayaan lokal, inggih punika ngajeng sinarengan nganggén tangan tur sinambi malinggih masila. Paundukan puniki manut saking sané kasunahang olih Nabi Muhammad SAW. Ngobéng punika pinaka tradisi kental krama Palémbang, sakadi Organ Ilir khususnyane Désa Séri Badung, Kecamatan Tanjung Batu taler uning tradisi puniki miwah kantun nglaksanayang. Tetujonnyane mangda ngawewehin rasa manyama braya, nyinggihang tamiu, ngiket tali silaturahmi, miwah nyaga warisan saking nénék moyang kramané.

Tata cara

Ngobéng puniki ketahnyané antuk kutus anak ring siki ajengan. Soang-soang soroh punika kapah dados tigang porsi utawi piring ring siki ajengan, manut sareng akehnyane soroh ajengan sané wénten. Ajengan sane kasajiang ring tradisi puniki, sakadi darang miwah pulur (sane kapah saking jangan, sambel, miwah woh-wohan). Sané dados pusat saking tradisi puniki, inggih punika nasi sané kasajiang ring dulang sane malakar saking kayu, nasi putih utawi nasi lengis.

Dulang sane kaanggen ring tradisi puniki wénten kalih soroh, inggih punika dulang persegi papat lantang sane kaanggén ngangkat ajengan miwah dulang sane mawentuk bunter sané kaanggén nyajiang nasi sané padang kagenahang ring tengah obéngan. Ring tradisi puniki taler kaatur manten sira sane malinggih ring ajengan punika. Ketahnyane manut saking strata sosial, umur, miwah soroh kelaminnyane.