Museum Rumah Kelahiran Bung Hatta
Museum Rumah Kelahiran Bung Hatta inggih punika umah sané magenah ring Jalan Soékarno-Hatta No. 37, Kota Bukittinggi, Sumatra Barat. Genah punika kabangun mangda para kramané éling sareng Bung Hatta. Lianan saking punika, wangunan puniki kawangun matetujon antuk para kramané mangda prasida uning indik genah Bung Hatta embas tur genahnyané ngantos mayusa 11 warsa. Salanturnyané Bung Hatta nglanturang masekolah ring Meer Uitgebred Lager Onderwijs (MULO) utawi sekolah menengah ring kota Padang.
Umah puniki kaadegang ring warsa 1860 tur nganggén struktur kayu sané kasusun saking wangunan utama, papilion, lumbung padi, paon, tur genah kuda miwah kolah bé. Wangunan utama mawiguna antuk nyambra tamiu, genah ngajeng kaluwarga, miwah kamar ibu, wak, miwah kakyang saking Bung Hatta. Papilionnyané mawiguna antuk genah sirep Bung Hatta.[1]
Kawangun Malih
uahUmah asli genah Bung Hatta embas sampun nyag ring warsa 1960, nanging wénten pikayunan saking Ketua Yayasan Pendidikan Bung Hatta, ngawinang umah punika kawangun malih. Seseleh indik pembangunan punika kakawitin saking bulan Nopember warsa 1994 tur kakawitin ring tanggal 15 Januari warsa 1995. Umah puniki karesmiang ring tanggal 12 Agustus 1995, matepatan saking rahina embas Bung Hatta, tur nyanggra 50 warsa Indonésia mahardika.
Sarana Umah
uahUmah punika kawangun sakadi wentuk aslinnyané sané prasida kacingak ring mémoir Bung Hatta tur ring makudang-kudang gambar sané kadruwénang olih kulawarga Bung Hatta. Perabotan ring umah punika kaambil saking perabotan ring umah sané asli, inggih punika umah genah Bung Hatta ri tatkala alit. Lianan saking punika perabotan punika taler kapolihang saking kulawarga Bung Hatta. Genah perabotannyané taler masaih sareng genah perabotan ring umah sané asli. Umah punika kasub krana sejarahnyané, lianan saking punika umah punika nyritayang indik téknologi, suasana, situasi, kauripan para kramané ring galah sané sampun lintang, khususnyané kauripan kulawarga Bung Hatta. Ring galah sané jagi liwat, genah puniki pacang mawiguna pesan majeng ring pendidikan, sejarah, miwah genah wisata.
Pustaka
uah- ↑ Media, Kompas Cyber (2017-05-23). "Melihat Rumah Bung Hatta, Bapak Proklamator Kebanggaan Orang Minang". KOMPAS.com (ring Indonesia). Kaaksés 2021-07-03.