Museum
Museum utawi balai khazanah inggih punika institusi permanen, nirlaba, publik, miwah terbuka, sané ngamargiang utsaha koléksi, nglestariang, nyelehin, komunikasi, miwah manuréksa benda nyata majeng ring masyarakat antuk kaperluan kajian, pendidikan miwah kesenengan. Punika mawinan prasida kadadosang paplajahan olih para sujana akademis, nyuratang indik kawéntenan parajanané, utawi nyuratang indik pikayunan miwah imajinasi masa sané jagi rauh. Ngawit saking warsa 1977, nyabran tanggal 18 Méi kadadosang Rahina Museum Internasional.[1]
 | |
|---|---|
Kawéntenan museum mabuat pisan santukan madué swadharma miwah fungsi anggén nglestariang, nglimbakang, taler nglimbakang budaya parajana sané wénten miwah nénten wénten. Malarapan antuk pesan-pesan sane kaunggahang ring etalase miwah ruang pameran, museum ring Indonesia maguna pinaka sarana komunikasi miwah jembatan penghubung sane prasida ngawinang kesadaran miwah kaweruhan majeng ring parajanane.[2]
Kawéntenan museum ring Indonésia dados mabuat pisan santukan museum nénten ja wantah madué fungsi pinaka pelindung benda cagar budaya, sakéwanten taler pinaka genah ngwangun idéologi, disiplin, miwah panglimbak kaweruhan majeng publik. Punika taler kasungkemin ring kode etik ICOM, "Museum madué swadharma sané mabuat pisan anggén nglimbakang kawigunan pendidikan miwah narik kawigunan pangunjung sané jimbar saking komunitas, lokalitas, utawi kelompok sané kalayani. Interaksi sareng masyarakat pendukung miwah pembinaan taler promosi warisan sané kaampunin pinaka pahan integral saking pendidikan sané patut kamargiang olih museum.[2]
Étimologi
uahManut étimologi, museum mawit saking kruna Yunani, Μουσεῖον utawi mouseion, sané sujatinyané mawit saking wastan kuil antuk sia Déwi Muses, pianak-pianak Déwa Zeus sané nyihnayang ilmu miwah seni.[3] Wangunan liyanan sane kauningin mapaiketan sareng sejarah museum inggih punika kepahan saking kompleks perpustakaan sane kawangun khusus antuk seni lan sains, utaminnyane filsafat lan riset ring Alexandria olih Ptolemy I Soter ring warsa 280 SM.[4] Museum nglimbak nganutin panglimbak ilmu pengetahuan miwah manusa sayan ngamerluang bukti-bukti otentik indik catetan sejarah kabudayaan.
Ring Indonésia, museum sané kapertama kawangun inggih punika Museum Radya Pustaka.[5] Lianan punika kauningin taler Museum Gajah sané kauningin pinaka koleksi pinih jangkep ring Indonésia, Museum Wayang, Persada Soekarno, Museum Tekstil miwah Galeri Nasional Indonésia sané khusus nyobiahang koleksi seni rupa modern Indonésia.
Museum kapertama kakawitin pinaka genah nyimpen koleksi sané kadruénang olih individu, kulawarga, utawi institusi sané sugih. Barang-barang sané kasimpen ketahnyané marupa karya seni miwah barang-barang langka, utawi pupulan benda alam miwah artefak arkeologi.
Cingak malih
uahPustaka
uah- ↑ "International Council of Museums disingkat ICOM". Kaarsipin saking versi asli tanggal 2004-06-06. Kaaksés 2010-01-22. Unknown parameter
|dead-url=ignored (help) - ↑ 2,0 2,1 Sadzali, Asyhadi Mufsi. 2014. Museum untuk Kebangkitan Maritim Indonesia Kajian Kritis Komunikasi Museum Bertema Maritim di Indonesia. Tesis. Universitas Gadjah Mada
- ↑ Findlen, Paula (1989). "The Museum: its classical etymology and renaissance genealogy". Journal of the History of Collections. 1 (1): 59–78. doi:10.1093/jhc/1.1.59. Kaaksés 2008-04-05.
- ↑ "Ptolemy I Soter, The First King of Ancient Egypt's Ptolemaic Dynasty". Tour Egypt. Kaaksés 2008-04-05.
- ↑ Museum pertama di Indonesia adanya di Surakarta
Pranala jaba
uah- (Indonésia) Direktorat Museum Archived 2009-01-29 at the Wayback Machine
- (Indonésia) Museum Nasional Indonesia (Museum Gajah) Archived 2007-08-10 at the Wayback Machine
- (Indonésia) Galeri Nasional Indonesia Archived 2023-07-13 at the Wayback Machine
- (Indonésia) Museum Soesilo Soedarman
- (Indonésia) Asosiasi Museum Indonesia Archived 2009-02-25 at the Wayback Machine
- (Indonésia) Festival Museum Nusantara Archived 2010-03-22 at the Wayback Machine