Monumén Pancasila Sakti
Monumen Pancasila Sakti Kawangun antuk usul dane Bapak Presiden Republik Indonesia sane kaping kalih inggih punika Bapak Soeharto. Monumen puniki kawangun ring tanah sane linggahnyane wantah 14,6 hektare, monumen puniki maka cihna mikelingin kawentenan pahlawan revolusi sane berjuang antuk nyejegin idiologi negara kesatuan republik indonesia. Monumen puniki kawangun ngawit sasih Agustus 1967 kantos puput lan karesmiang ring petekan masehi 1 Oktober 1973 olih Presiden Republik Indonesia Bapak Soeharto. Monumen puniki mikelingin para pahlawan revolusi, wenten papitu pahlawan revolusi sane wenten ring monumen puniki, inggih punika:
- Panglima Angkatan Darat Letnan Jenderal TNI (Jenderal TNI (Anumerta)) Ahmad Yani,
- Mayor Jenderal TNI (Letnan Jenderal TNI (Anumerta)) R. Suprapto
- Mayor Jenderal TNI (Letnan Jenderal TNI (Anumerta)) M.T. Haryono
- Mayor Jenderal TNI (Letnan Jenderal TNI (Anumerta)) Siswondo Parman
- Brigadir Jenderal TNI (Mayor Jenderal TNI (Anumerta)) DI Panjaitan
- Brigadir Jenderal TNI (Mayor Jenderal TNI (Anumerta)) Sutoyo Siswomiharjo
- Perwira TNI Letnan Satu (Kapten CZI (Anumerta)) Pierre Tendean Ajudan Jenderal TNI A.H. Nasution
Dane Bapak Jenderal TNI A.H. Nasution taler pinaka target sane kaculik sakadi sang papitu pahlawan revolusi sane sampun lebar inucap, sakemaon okan dane inggih punika Ade Irma Suryani Nasution lan ajudan AH Nasution, Letnan Satu Pierre Tendean padem ring penculikan inucap. Monumen sane magenah ring wewidangan Lubang Buaya, Cipayung, Jakarta Timur puniki, ring tengahnyane madaging makudang - kudang parindikan minakadi masa pemberontakan G30S - PKI kantos busana asli para Pahlawan Revolusi.[1][2][3]
Babad Wewangunan Monumén Pancasila Sakti
uahMonumen Pancasila Sakti Kawangun antuk usul dane Bapak Presiden Republik Indonesia sane kaping kalih, Soeharto. Monumen puniki kawangun ring tanah sane linggahnyane wantah 14,6 hektare, monumen puniki maka cihna mikelingin kawentenan pahlawan revolusi sane berjuang antuk nyejegin idiologi negara kesatuan republik indonesia. Monumen puniki kawangun ngawit bulan agustus warsa 1967 kantos puput lan karesmiang ring petekan masehi 1 Oktober warsa 1973 olih Presiden Republik Indonesia Bapak Soeharto.
Monumen puniki magenah ring Kelurahan Lubang Buaya, Kecamatan Cipayung, Jakarta Timur. Ring sisi kelod monumen wenten markas besar Tentara Nasional Indonesia, Cilangkap, sisi kaja inggih punika Bandar Udara Halim Perdanakusuma, ring sisi kangin inggih punika Pasar Pondok Gede, lan sisi kauh wenten Taman Mini Indonesia Indah.
Sadurung manados museum sejarah, genahe punika maka tanah utawi paabianan sane kaangge genah mendem para tumbal Gerakan 30 September 1965 (G30S).
Ring genahe puniki naler wenten silih tunggil song sumur tua sane dalemnyane wantah 12 meter lan linggahnyane wenten 75 cm, sumure puniki sane kaange genah ngutang para tumbal G30S.
Wawidangan Monumen
uahMonumen puniki kawangun ring tanah sane linggahnyane wenten 14,6 Hektar lan ring tengahnyane kawangun genah-genah bersejarah minakadi Museum Pengkhianatan PKI, Sumur Tua genah pangutangan sawan papitu Pahlawan Revolusi, Umah Siksa, Pos Komando, Paon Umum, Mobil-Mobil tua padruwen Pahlawan Revolusi, lan Museum Paseban.
Museum Pengkhianatan PKI
Museum Pengkhianatan PKI nyaritayang parindikan babad ring kawentenan pasiatan-pasiatan PKI sane matatujon ngentosin dasar negara Pancasila antuk komunis sane matentangan ring Pancasila, kantos wenten gerakan sane kaping kalih sane ketah kawastanin Gerakan Tiga Puluh September utawi G-30-S/PKI, saking pintu ri kala ngranjing genahe punika iraga sida nyaksi foto Pemberontakan PKI, Pangambilan Layon 7 Pahlawan revolusi, lan makudang-kudang carita sane nyaritayang kawentenan Pemberontakan PKI ring wewidangan Daerah di Indonesia.
Sember Tua
Sember Tua puniki maka genah pangutangan 7 Pahlawan Revolusi: - Jenderal TNI Anumerta Ahmad Yani - Letnan Jenderal TNI Anumerta M.T. Haryono - Letnan Jenderal TNI Anumerta Siswandono Parman - Letnan Jenderal TNI Anumerta Suprapto - Mayor Jenderal TNI Anumerta Donald Isaac Panjaitan - Mayor Jenderal TNI Anumerta Sutoyo Siswomiharjo - Kapten CZI Anumerta Pierre Andreas Tendean
Kapitu Layon pahlawan inucap kapolihang ring sisi sember tua sane mangkin kawastanin Lubang Buaya , ring wawidangan Lubang Buaya, Jakarta. Layonan Kolonel (Brigadir Jenderal TNI Anumerta) Katamso Dharmakusumo lan Letnan Kolonel (Kolonel Anumerta Sugiyono Mangunwiyoto kapolihang ring Desa Kentungan, Yogyakarta. Sane kapolihang padem taler Brigadir Polisi (Ajun Inspektur Polisi Tingkat II Anumerta Brigade Mobil Karel Sadsuitubun lan Ade Irma Suryani Nasution, pinaka okan dane Jenderal TNI A.H: Nasution.
Umah Siksa
Umah Siksa inggih punika genah para Pahlawan Revolusi kasiksa lan kapaksa mangda ngalingga tanganin surat pernyataan mangda mangda ngakuin pinaka dewan jenderal sane malaksana dusta antuk kudeta ring dane presiden Soekarno ring rahina mikelingin rahina Angkatan Bersenjata, para jendrale punika kasiksa sadurung kapademan, ring genahe puniki naler kasobiahang indik pamargin asapunapi 7 pahlawan Revolusi punika kasiksa lan caritanyane kakawitin antuk Pemberontakan PKI, duk sane dumun genahe puniki pinaka sekolah rakyat utawi sane mangkinketah kawastanin SD lan kaangge genah nyiksa para pahlawan revolusine ring para PKI.
Pos Komando
uahGenahe puniki padruwen silih tunggil krama ring desa Lubang Buaya sane mawasta Haji Sueb. genahe puniki kaange olih pamucuk G/30S/PKI inggih punika Letnan Kolonel Untung antuk ngerincikin rencana nyulik 7 Pahlawan Revolusi inucap, di tengahnyane taler wenten makudang-kudang piranti sane padruwen para PKI sakadi: 3 Petromaks, Mesin Jait, lan Lemari Kaca.
Paon Umum
uahGenahe puniki sadurungnyane pinaka umah sane biasa kemaon kaangge ring para PKI maka paon Umum, umah sane kadruweang olih Ni Amroh puniki kaangge pinaka genah makarya sakancan dedaaran mantuka ring para angga G30S/PKI. Santukan asapunika, Ni Amroh sane sawaian madagang baju keliling ninggalin umahnyane lan kaperintah olih para angga PKI ngalahin umahnyane mangda nenten kakunci, sakemaon ri sampune iya mawali mulih sagetan umahnyane sampun benyah tengahnyane lan piranti-piranti di tengah umahne akeh sane ilang.
Museum Paseban
uahMuseum Paseban sane genahnyane ring wawidangan Monumen Pahlawan Revolusi puniki karesmiang olih dane bapak Presiden Soeharto nemoning petekan masehi 1 Oktober warsa 1981 sane mapaiketan ring rahina Dwi Windu Rahina Kesaktian Pancasila, ring tengahin museum puniki taler wenten patung alit utawi diorama-diorama sane nyaritayang parindikan:
- Paruman ri sajeroning Pemberontakan (September 1965)
- Acara mapauruk ring para sukarelawan sane magenah ring Lubang Buaya (5 Juli kantos 30 September 1965)
- Rahina Dane Letnan Jenderal TNI Ahmad Yani kaculik (1 Oktober 1965)
- Pamargin Panyengsaren ring Lubang Buaya (1 Oktober 1965)
- Pengamanan Lanuma Halim Perdanakusuma (2 Oktober 1965)
- Pangangkitan Sang Layon Para Pahlawan Revolusi (4 Oktober 1965)
- Pamargin Kantos Embasnyane Supersemar (11 Maret 1966)
- Pamikukuh Dane Jenderal TNI Soeharto Pinaka Presiden (12 Maret 1967)
- Pamutus ri sajeroning Kaiwang Parilaksana para PKI (26 Juni 1982)
Lianan ring punika taler kapajang foto papitu para Pahlawan Revolusi sane sampun kagedeang ukurannyane ring sane mula. Irika taler wenten bale Relik sane dagingnyane marupa pameran piranti-piranti lan padruwen para pahlawan revolusine duk ragane kaculik olih para PKI. Wenten taler Aqualung maka piranti antuk ngawantu pernapasan ri tatkala ngambil layonan 7 Pahlawan Revolusi saking tengahin sember tua ring lubang buaya. Taler irika wenten genah foto-foto muah babalihan Teater sane muterin rekaman pangambilan layonan para Pahlawan Revolusi, acara pamendeman ring Taman Makam Pahlawan Kalibata, muah sane lianan sane daging rekaman inucap kirang langkung kantos 30 menit.
Utsaha sane katuju majeng ring Pamerintah RI lan ngentosin dasar negara Pancasila sampun kamragiang kalih paletan olih para PKIne, sane kapertama duk warsa 1948, sane ketah kaadanin pemberontakan PKI Muso ring Madiun lan sane kaping kalih inggih punika pemberontakan G30S/PKI ring sasih masehi September warsa 1965.
Pustaka
uah- ↑ Media, Kompas Cyber (2021-10-01). "Monumen Pancasila Sakti dan Mengenang 7 Pahlawan Revolusi Halaman all". KOMPAS.com (ring Indonesia). Kaaksés 2023-03-05.
- ↑ Okezone (2020-10-02). "Monumen Lubang Buaya, Saksi Kekejaman PKI yang Punya Aura Mencekam : Okezone Travel". https://travel.okezone.com/ (ring Indonesia). Kaaksés 2023-03-05. External link in
|website=(help) - ↑ Liputan6.com (2019-09-30). "Asal Nama Lubang Buaya yang Jadi Lokasi Monumen Pancasila Sakti". liputan6.com (ring Indonesia). Kaaksés 2023-03-05.
Pranala jaba
uah- Mengenang Kekejaman di Lubang Buaya Archived 2007-02-28 at the Wayback Machine