Mohabbatein

Mohabbatein inggih punika pilem mabasa Hindi India ring warsa 2000 kakaryanin olih Aditya Chopra.[1] Pilem puniki kapragianain olih Shah Rukh Khan, Amitabh Bachchan miwah Aishwarya Rai dados pragina utama. Pilem puniki taler kapraginain olih Jimmy Sheirgill, Uday Chopra, Jugal Hansraj, Kim Sharma, Shamita Shetty, Preeti Jhangiani, Anupam Kher miwah Archana Puran Singh dados peran penting sané lianan.[2] Pilem puniki kawedar ring 27 Oktober 2000.[3]

SinopsisUah

Mohabbatein inggih punika pilem sané nyaritaang indik tresna truna truni sané tan karestuin oleh Ajine. Carita kakawitin dugas Megha (Aishwarya Rai) miwah Raj Aryan Malhotra ( Shah Rukh Khan) saling tresna saling kasmaran, kewala Ajine Mega, Narayan Shankar (Amitabh Bachchan) tusing setuju krana Raj sampun ngelanggar awig-awig sakolahne. Narayan dados Kepala Sekolah ring tongosne Raj masekolah. sekolahane madan Gurukul. Suba liu anak nawang Narayan mula kaku, tusing taen melanggar aturan tur tusing demen yéning ada ane meuwah.

Sedek dina anu Raj Aryan sedek pesu uli asrama Gurukul. nadaksara ia nepukin Megha anak luh sané banget ayu tur ngae Raj kapincut sareng Megha. tusing ada ane pelih yéning Raj demen ajak anak luh, kewala pelihne wireh Megha okane Narayan Shankar. Yadiastun sang kalih suba nawang tresnane tusing karestuin kewala Raj miwah Megha enu tileh saling tresna saling asihin. Makelo suba Raj miwah Megha matunangan mengkeb – mengkeb. Megha dot ngoraang tekén ajine, yéning ia suba makelo matunangan ajak Raj. Di umahne Megha ane gedé tur luung ento, Megha tuah ngoyong ajake dadua sareng ajine, krana ibunyane sampun padem. Megha tuah panak sané sanget sayang tur subakti kapining ajine, nyantos Megha nyritayang indik tresnane. Ajine gedég tur ngorain apang megatin tresna kapining Raj. Buin manine Megha megatin urip makecos ngulungan dewek uli kamarne. Suud kejadiane ento, Narayan nyangetang brangti tekén Raj tur mesuang Raj uli sekolahne. Ditu suba makejang nawang yéning ada murid ane pesuange uli Gurukul tusing lakar nyidaang ngelanturang masuk utawi megae di tongos ane lenan. Narayan mesuang Raj kewala Narayan tusing nawang gobane Raj.

Tan karasa sampun liwat makudang kudang warsa. Raj mawali malih ka Gurukul dados Guru Musik, paplajahan sané tonden taen ada ring Gurukul. Narayan nyak nerima Raj dados guru kewala liu syaratne. Raj ngawitin ngajahin di Gurukul tur nulungin murid – murid ngelah keneh lakar matunangan kewala tusing nyidaang ulian awig – awig Gurukul. Raj lantas liu ngae perubahan di Gurukul ane mekada Narayan gedég. Di Gurukul Raj matemu ajak muridne 3 diri madan Sameer Sharma (Jugal Hansraj), Vikram Kapoor (Uday Chopra) dan Karan Choudhry (Jimmy Shergill). Sameer demen ajak timpal dugas ia cenik madan Sanjana (Kim Sharma), kewala Sanjana suba ngelah tunangan. Vikram demen ajak anak luh uli sekolah putri paek tongosne ajak Gurukul, madan Ishika Danrajgir (Shamita Shetty). Pinih untat Karan (Jugal Hansraj) ane demen ajak janda pilot madan Kiran (Preeti Jhangiani). Karan nepunin Kiran dugas ia sedeng nyemput dosen di stasiun, lantas ia nepukin anak luh mabaju penganten majujuk pedidian.

Tresna ajake tetelu ento makejang ngelah halangan. Vikram keweh maekin Ishika sané sombong, Sameer ajak Sanjana ane suba ngelah tunangan miwah Karan ajak Kiran ane ngelah matua kolot. Matuane Sanjana tusing pracaya panaken ane dadi pilot suba mati, krana mayatne tusing taen katepukin, diastun panakne suba tusing mulih makudang – kudang warsa.Raj Aryan nulungin apang tresnane ento mabesikan, Raj alon – alon ngae atine Narayan Shankar nyak nerima yéning i raga digumine perlu ajak rasa tresna. Kanti pamuputne Narayan nerima makejang perubahan ane gaena Aryan di Gurukul. Gurukul ane kaucap tenget, jani suba bek misi rasa tresna asih.[4]

PustakaUah

  1. "Sinopsis Mohabbatein Film Shahrukh Khan di ANTV Pukul 14.15 WIB". tirto.id (ring Indonesia). Kaakses 2021-05-05.
  2. brilio.net. "20 Tahun berlalu, ini penampilan terbaru 9 pemain Mohabbatein". brilio.net (ring Inggris). Kaakses 2021-05-05.
  3. "FILM - Mohabbatein (2000)". Tribunnewswiki.com (ring Indonesia). Kaakses 2021-05-05.
  4. www.kapanlagi.com https://www.kapanlagi.com/showbiz/bollywood/sinopsis-mohabbatein-perjuangan-lawan-arogansi-terhadap-cinta-87960a.html. Kaakses 2021-05-05. Missing or empty |title= (help)