Mercy Band inggih punika silih tunggil grup musik sané wénten ring Bali. Mercy band kawentuk 14 Pébruari 2007 ring Sukawati, Gianyar, Bali. Grup musik puniki madué 5 anggota inggih punika Santo ring vokal, Juwet ring drum, Pangus ring lead gitar, Yantel ring Riythem, miwah Tut Adi utawi Tutnik ring gitar bass. Grup musik puniki kakawitin antuk single sané mamurda "Tresna Tegangan Tinggi" sané kagabung ring album "Baduda Idol" druwén Nanoe Biroe. Lantas ring warsa 2011, Mercy Band ngaryanin album perdana sané mamurda "Virus-virus Tresna". Ring warsa 2013, Mercy Band taler ngaryanin album sané mamurda Paling Buduh. Tembang saking grup musik puniki sané kasub ring wewidangan krama Bali inggih punika tembang sané mamurda Sisan Timpal.[1]

Pustaka uah

  1. "Sekilas Tentang Mercy Band Bali". Kord Lagu Populer (ring Indonesia). Kaaksés 2020-11-28.