Mepandes

Mepandes utawi Matatah tasih maaran Masangih (Dialek Tenganan: Tanggung-tanggungan) inggih punika upakara ngetep (motong) utawi ngeratayang gigi utamanyané gigi seriné patpat tur gigi taring dadua ring rahang sané ajeng, prosés ngeratayang punika kalaksanayang simbolik kapahat miwah kaasah kaping tiga.^[1]^[2] Mapandes kawentuk saking kruna alus (singgih) inggihnyané masangih, masangih artosnyané gigi sané sampun karatayang. Upakara punika rumasuk ring upakara nganyuciang raga tur nampekin raganyanné saking Tuhan Yang Maha Esa, para déwata, miwah para pitara.^[3]

Makna saking upakara mepandes, inggih punikaː sané kapertama kadadosang simbolis utawi cihna antuk peuwahan saking anak alit dados anak sané sampun kelih, sané kaping kalih ngelaksanayang swadharma utawi kewajiban rerama antuk ngelaksanayang yadnya, tur nglimbakang pianaknyané manados kelih, sané kaping tiga sang sané sampun mepandes prasida malih nampekang raga ka Tuhan miwah para pitaranyané.^[4]

Upakara Mapandes kabaosang upakara sané mabuay ring krama Hindu mawinan upakara punika prasida ngicalang makudang-kudang sané nénten becik ring ragané sané kawastanin Sad Ripu inggih punika nemnem musuh sané magenah ring madya ragané. Lianan saking Sad Ripu upakara punika taler ngicalang parisolah sakadi raksasa, sané kawastanin Asuri-Sampad. Upakara punika kadadosang cihna rasa pangubhakti majeng ring rerama miwah para pitarayané sané numitis dados pianaknyané, mangda dados pianak sané suputra.^[5]

Pustaka

↑ "Asia in Pictures". The Wall Street Journal (ring Inggris). 2011-09-07. Kaarsipin saking versi asli tanggal 2019-03-27. Kaaksés 2019-03-07.
↑ "Potong Gigi, the symbolic transition from teenager to adult". Teak Bali (ring Inggris). 2017-05-19. Kaaksés 2019-02-13.
↑ Gottowik, Volker (2010). "Transnational, translocal, transcultural: some remarks on the relations between Hindu-Balinese and ethnic Chinese in Bali". Journal of Social Issues in Southeast Asia. 25 (2): 178–212. doi:10.1355/sj25-2b.
↑ VICE Asia (2018-10-30), Grinding Teeth: The Wild Indonésian Coming Of Age Ritual, kaaksés 2019-02-13
↑ Nyoman Wiranti, Ni (June 2012). "How Balinese adolescents consider the importance of ritual in maintaining their social identity: Indigenous psychology approach". International Journal of Psychology. 47: 230. doi:10.1080/00207594.2012.709095.

[1] "Asia in Pictures". The Wall Street Journal (ring Inggris). 2011-09-07. Kaarsipin saking versi asli tanggal 2019-03-27. Kaaksés 2019-03-07.

[2] "Potong Gigi, the symbolic transition from teenager to adult". Teak Bali (ring Inggris). 2017-05-19. Kaaksés 2019-02-13.

[3] Gottowik, Volker (2010). "Transnational, translocal, transcultural: some remarks on the relations between Hindu-Balinese and ethnic Chinese in Bali". Journal of Social Issues in Southeast Asia. 25 (2): 178–212. doi:10.1355/sj25-2b.

[VICE-4] VICE Asia (2018-10-30), Grinding Teeth: The Wild Indonésian Coming Of Age Ritual, kaaksés 2019-02-13

[5] Nyoman Wiranti, Ni (June 2012). "How Balinese adolescents consider the importance of ritual in maintaining their social identity: Indigenous psychology approach". International Journal of Psychology. 47: 230. doi:10.1080/00207594.2012.709095.

[1]

[2]

[3]

[4]

[5]