Matembing
Suratan puniki kasaratang wikifikasi mangda ngisinin standar kualitas Wikipédia. Ida dané dados ngamolihang wantuan marupa tambahan daging pranala jero, utawi mawit nguahin tata letak ring suratan/kaca puniki.
Tekén keterangan liyanan, klik [tampilkan] ring bagian tengen.
|
Matembing Gandongan inggih punika silih tunggil plalianan sané mawit saking kebiasaan magandong. Manut sakadi wastannyané, pamargin plalianan matembing gandongan puniki sakadi plalianan matembing biasa, sakéwanten maimbuh anak sané magandong. Wénten asiki sané ring sor pinaka sang sané ngandong, tur wénten asiki sané ring ajeng pinaka sang sané kagandong. Ring plalianan puniki katuntut kawagedan magandong ring tundun sawitranné, miwah kawagedan ngandong. Anak sané magandong mangda sida nyabat batu sané sampun kasagayang. Punika mawinan plalianan puniki kabaos matembing gandongan.
Plalianan matembing gandong puniki arang pisan kacingakin ring masyarakat santukan tuuh plalianan puniki sampun kalintang sué. Sakadi plalianan tradisional sané lianan, plalianan puniki ngutamayang sisi olahraganyané tur nénten ngamerluang piranti-piranti sané kabaos ruet. Plalianan puniki nuntut mangdané iraga nganggén bayu risajeroning paileh pamargin plalianan matembing gandongan. Iraga patut jujur miwah sportip riantukan ring plalianan puniki nénten wénten wasit.[1]
Pustaka
uah- ↑ Pendidikan dan Kebudayaan, Departemen (1984). Permainan Rakyat Daérah Bali (PDF). Jakarta: Departemen Pendidikan dan Kebudayaan, Proyek Inventarisasi dan Dokumentasi Kebudayaan Daérah.