Manuk déwata pelung
Manuk Dewata Pelung (aran ilmiah: Paradisornis rudolphi) inggih punika Manuk Dewata sané agengnyané sedeng, antuk lantang kantos 30 cm, saking génus Paradisornis, sadurngné rumasuk ring génus Paradisaea. Kedisé puniki mawarna selem wiadin pelung, sané macucuk putih masawang pelung, mabatis klau, iris mata mawarna coklat wayah, ring sisin matannyane madaging tengan lingkeh mawarna putih miwah kampid sané mawarna pelung masawang gadang.[1]
| Manuk Dewata Pelung | |
|---|---|
| |
| Klasifikasi ilmiah | |
| Krajaan
|
|
| Filum
|
|
| Kelas
|
|
| Bangsa
|
|
| Familia
|
|
| Marga
|
Paradisornis
|
| Spésiés
|
P. rudolphi
|
| Adan Binomial | |
| Paradisornis rudolphi (Finsch, 1885)
| |
Ceciren
uahManuk Dewata muani maduwe bulu-bulu sané lantang nglambih pinaka papayasan ring dada ipun sané mawana pelung masawang tangi yéning sawangin saking sor saha mawarna coklat masawang gadang yéning sawangin saking baduur. Ring dadan ipun madaging bulu malingkeh saé mawarna selem matepi barak. Ring ikutnyané madaging tali kakalih mawarna selem raris muncuknyane madaging payasan marupa lingkehan sané mawarna pelung. Kedis pangina alitan ring sané muaninénten madaging papayasan bulu sané masawang barak sekadi kedis muaniné.
Manuk Dewatané puniki katah ring pagunungan Papua Nugini sisi Kangin, katahnyané ring pagunungan saking 1.400 meter kantos 1.800 meter saking segara.
Manuk Dewata Pelung wantah poligami spesies. Kedis muaniné nglemesin pangina antuk igel-igelan sané nyihnayang melah bulunnyné. Nénten sekadi Manuk Dewata Paradisaea tiosan, Manuk Dewata Pelung muani puniki nampekin panginané nénten ring kelompok. Kedis muani pacang magantung, raris ngebatang bulunnyané sekadi kepet mawarna pelung sinambi manguci. Raris kedis panginané pacang kanampekin.Ri sampune kopulasi, kedis muaniné pacang makeber ngrereh pangina sané tiosan. Amah-amahan kedisé puniki wantah woh-wohan miwah gumatat-gumitit.
Manuk Dewata Pelung puniki kapanggihin kapertama olih Carl Hunstein sadaweg ipun mamargi ring pulau Irian duk warsa 1884. Aran ilmiah saking kedis sané sampun kaboas langka utawi méweh malih kapanggih kaambil saking parab putra mahkota Austria sané maparab Rudolf von Österreich-Ungarn.
Pustaka
uah- ↑ "Si Biru Dari Irian Jaya, iyah Cendrawasih ! | Delila Faidiban" (ring Inggris). Kaarsipin saking versi asli tanggal 2021-07-19. Kaaksés 2021-07-19.
Pranala jaba
uah- (Inggris) ARKive - gambar dan klip mengenai Cenderawasih biru (Paradisaea rudolphi) Archived 2007-10-31 at the Wayback Machine
- (Inggris) BirdLife Species Factsheet Archived 2009-01-03 at the Wayback Machine
- (Inggris) IUCN Red List