Mamunjung

Mamunjung pinaka silih tunggil dresta sané kelaksanayang olih makudang-kudang krama hindu ring Bali. Mamunjung ketah ipun kamargiang ri kalaning rerahinan Galungan, antuk ngaturang soda ka sétra. Mamunjung puniki pinaka cihna bakti prati sentana majeng sané sampun lampus. Mamunjung kalaksanayang antuk ngaturang punjung sané marupa soda jangkep antuk pirantiipun. Tiosan ngaturang banten punjung, gegumuk ring setra genah sang lampus taler ketah ipun karesikang.