Malem Diwa

Malem Diwa inggih punika satua rakyat sané mawit saking wewidangan Acéh sané nyritayang indik anak lanang miwah bidadari. Carita puniki mesib sareng carita Jaka Tarub miwah Nawang Wulan utawi Awang Sukma miwah Telaga Bidadari.

Daging satua

Malem Diwa inggih punika silih tunggil wastan anak truna sané maurip ring masa sané lintang ring negara Acéh. Pakaryannyane inggih punika ngumbara, mawit saking genah sane asiki ka genah sane tiosan. Rikala Ida magingsir saking genahe punika, Ida tan rumasa sepi. Punika awinannya Ida setata kasarengin suling sane suarannyane alus pisan.

Sedek dina anu, Malem Diwa rauh ring genah sane mawasta Buntul Temil. Genah puniki nampek ring tukad mawinan dané banget nyenengin tur mastikayang jagi meneng irika. Irika dane nandur tetanduran, ingon-ingon, miwah mancing ulam ring tukade. Sedek dina anu, rikala Malem Diwa sedek maburu ring tukade punika, dane kapanggih ring anak istri sane sampun lingsir, sane sedek ngrereh saang ring tengah alase. Anake istri punika mawasta Inen Keben, tur ipun meneng ring Buntul kubu. Malem Diwa raris nulungin anake istri punika makta taru punika ka umahnyane. Sangkaning sering matemu tur makta kayu bakar ka umah Inen Keben, Malem Diwa raris nganggep Inen Keben pinaka reramannyane.

Makudang-kudang dina selanturnyané ri tatkala Malem Diwa sedek mancing, dumadak wénten suaran nak kedek sambilang ngigel saking makudang-kudang anak istri. Malem Diwa makesiab nyingakin tur ngrereh saking dija munyiné punika. Saking ungkur tarune, dane nyingakin wenten dedari istri pepitu sane ayu-ayu, sedek maplalian ring duur batu ageng ring tukade punika. Batune punika raris kawastanin Atu Pepangiren, utawi Batu Mandi.

Santukan durung naenin wenten dedari, punapi malih widyadari sane rauh saking suargan. Ipun sering pisan rauh mrika jagi nonton miwah maliang-liang. Malem Diwa taler setata nyantosang pangrauh dedari yadiastun ipun mengkeb. Sedek dina anu, rikala dedari punika masiram, Malem Diwa nyemak senteng dedari punika asiki raris ngengkebang ring jeronnyane. Sasampune wusan malukat, raris wenten kaributan ageng, santukan silih tunggil senteng dedari sane malakar antuk wastra ulig ical, tur kadruen olih dedari sane alitan. Sajeroning makudang-kudang sasih suennyane, para widari balan suargane raris pada rauh tangkil buat ngrereh sentengne punika, nanging tan wenten sane keniang Ida. Widari nika raris mawali saha maduluran sedih, Anake alit punika raris nangis tan papuara ring sisin tukade.

Malem Diwa raris mawali ka tukade tur maturan tulung ring sang dedari. Dane raris ngaturin sang dedari mangda masandekan ring jeroan Inen Keben, sane magenah nampek saking umah Malem Diwa. Ngawit saking punika ipun dados sawitran becik santukan Malem Diwa sering ngwantu Inen Keben antuk makta taru utawi ngamecikang umahnyané. Santukan saling asah asih asuh, raris Malem Diwa ngajak bidadari sané alitan jagi marabian. Dane pada masuka rena sajeroning urip danene sakadi anak istri.