Lelakut

Lelakut inggih punika piranti sané kaanggén para petani sajeroning ngulah paksi wiadin merana sané wénten ring cariké. Lelakut kawastanin taler memedi sawah. Yéning ring basa Indonésia, lelakut pateh tekén orang-orangan sawah. Nganutin ring panglimbak jaman, kawéntenan lelakut sayan ical, saantukan yowana Bali alit kedehipun ngambil swagina pinaka petani. Lelakut kakaryanin petani saha kagenahang ring carikipun kaanggén ngulah paksi wiadin merana. Lelakut ketah ipun kagenahang nampek sareng pindekan wiadin sunari.

Lelakut ring Bali

Lelakut Subak Jatiluwih

Wentuk Lelakut

Lelakut puniki kakaryanin mangda pakantenanipun utawi wentuknyané sakadi manusa, malakar aji kayu wiadin gesing kategepin antuk wastra tegep antuk capilipun. Sapunapi mangda paksi nyantenang lelakut punika sekadi i manusa, mawinan nénten raris néda tetanduran duwén petani. Lelakut sané sampun kaicénin mantra miwah banten, prasida kaanggén piranti penolak bala miwah nyaga mangda carik kaejohin saking gangguan jadma sané kayun malaksana jelé. Umpaminé, ngejohin carik saking gangguan léak utawi jadma-jadma sané iri ring sang druwén carik.