Layangan Celepuk
Layangan Celepuk inggih punika silih tunggil soroh layangan tradisional Bali sané wentuknyané marupa celepuk utawi burung hantu. Ring galah puniki akéh kramané sané ngrereh layangan puniki, krana layangan puniki dangan kakeberang. Nénten perlu angin sané banget antuk ngeberang layangan puniki. Nika mawinan akéh kramané sané seneng maplalian layangan puniki. Ketahnyané layangan puniki ukurannyané sawatara 120 séntiméter ngantos 150 séntiméter. Kerangka layangan punika ketahnyané kakaryanin saking tiing petung utawi tiing santong. Layangan Celepuk wénten sané mawarna polos, wénten taler sané mawarna warni. Ritatkala ngawarnain layangan punika, prasida kalukis nganggén cat utawi prasida kacétak (print) manut saking polanyané.[1] Layangan Celepuk prasida puput kakaryanin kalih dina ngantos tigang dina. [2]
Pustaka
uah- ↑ "Rare Angon Buru Layang-layang Celepuk, Kelebihannya Tak Butuh Angin Kencang untuk Menerbangkannya". Tribun Bali (ring Indonesia). Kaaksés 2021-05-23.
- ↑ Bali, Nusa. "Layangan 'Celepuk' Gunakan Teknik Airbrush". www.nusabali.com (ring Inggris). Kaaksés 2021-05-23.