Lawar don paku

Lawar don paku inggih punika lawar sane nganggen don paku pinaka lakarnyane sane utama. Lawar puniki malakar antuk jukut paku miwah ulam. Ulame punika dadong ngangge ulam siap, miwah ulam bawi. Saluwir paku sane keanggen nenten ja saluwir paku, sakewanten paku sane dados kaanggen jukut kemanten.

Lakar miwah Piranti Makarya Lawar Don paku

Jukut paku sane kadadosang anggen lakar lawar

Rikalane makarya lawar don paku, patut nyiagayang indik lakar miwah piranti sane dados kaanggen makarya lawar. Inggih punika:

Lakar:

1. Jukut paku
2. Ulam siap utawi ulam bawi
3. Basa genep, luire: jahe, kunyit, bawang barak, kesuna, cekuh, tingkih, miwah basa sane katah kaanggen ring genah soang-soang
4. Wewangen, luire: begarum, cengkeh, jangu, don jinten, juuk nipis, mica, bangle, ketumbah, miwah saluirnyane
5. Uyah
6. tabia cenik,
7. Sera
8. Vitsin
9. Yeh

Piranti:

1. Pengorengan
2. Panci
3. Pego
4. Payuk
5. Sinduk gede
6. Sinduk cenik
7. Kompor

Makarya Lawar Don Paku

Indik tata titi pengancan rikalane makarya lawar inggih punika:

1. Kapertama tetek saluwir basa genep miwah wawangen sane kaanggen basan lawar. Sasampune dedek durus ka goreng rring pengorengane. Yening sampun puput, genahang dumun ring wadah minakadi payuk miwah saluir piranti sane lianan.
2. Selanturnyane umbah don paku miwah ulam sane jagi kaanggen lakar lawar. Ulam sane sampun kaumbang dados kalab-lab ring pancine ngangge yeh sane sampun kakrodokang.
3. Kot-kot don paku sane sampun kaumbah, selanturnyane kalablab ring panci. Yening sampun lebeng, durus genahang ring genah sane becik.
4. Sapisanan nyantos lakar utamane lebeng, durus kot-kot bawang barak miwah kesuna sane kaanggen embe miwah makarya sambel tabya sane ngangge tabya cenik miwah sera.
5. Yening ulam bawi utawi siapesampun lebeng, duru kaangkid turmaning kaiyis cenik-cenik.
6. Sesampune punika, durus sikiang lakar sane sampun kasiagayang, sakadi don paku, ulam siap utawi ulam bawi, tur basa genep sane sampun kacarub antuk wawangen. Sami lakare punika kaurab ring pego.
7. Durus icenin uyah, emba, sambel tabya miwah juuk nipis ring uraban lawar don paku nyantos karasa becik.
8. Lawar don paku prasida kaajeng