Wikisource utawi Wikipustaka inggih punika kapustakaan digital dari kontén bébas wit tékstual ring wiki, kamargiang olih Yayasan Wikimédia. Wikisource inggih punika aran proyék sacara jangkep miwah aran antuk sawilang conto proyék punika (sawilang conto ketah nyané ngawakilin basa sané matiosan); makudang Wikisources ngawentuk sajebag proyék Wikisource. Tatujon proyék puniki antuk nampung makasami rupa téks bébas, ring akéh basa, miwah pangalihan basa. Pamabah nyané kauningin dados arsip antuk nyimpen téks lelintihan sané mawiguna utawi kabuat (téks kapertama punika Déclaration universelle des Droits de l'Homme), sampun makembang dados kapustakaan kontén umum. Proyék resmi kakawitin ring 24 Nopémber 2003 antuk Project Sourceberg, inggih punika sesenggakan saking Proyék Gutenberg sané kaloktah. Aran Wikisource kaambil ungkur warsa punika miwah polih aran domain ngaraga.

Wikisource
Screenshot
Kaca utama kori multibasa Wikisource.
Soroh situs
Kapustakaan Digital
BasaMultilingual (74 active sub-domains)[1]
PemilikYayasan Wikimédia
PenciptaKakardi sang anganggé
Situs webwikisource.org
KomersialNo
Lis akunDadi-dadi
DiluncurkanNopémber 24, 2003; sampun 20 warsa (2003-11-24)[2]
StatusOnline

Proyék puniki madué karya sané wénten ring domain publik utawi lisénsi bébas; karya sané kawedar sacara profesional utawi dokumén wit lelintihan, nénten produk vanity. Verifikasi ring pamahbah nyané kamargiang luring, utawi antuk ngapercayain kakendelan kapustakaan digital liyanan. Mangkin karya kadukung olih pamindaian daring saking éksténsi ProofreadPage, antuk ngapastika kakendelan miwah kaakuratan téks proyék.

Makudang Wikisource, soang-soang ngawakilin basa nyané, mangkin wantah ngalugra karya sané kaprasida antuk pindaian. Sauntara makéhan koléksi nyané punika téks, Wikisource punika nampung média liyanan, saking komik ngantos pilem taler buku swara. Makudang Wikisource ngalugra anotasi sané kakardi sang anganggé, ring sor kawijakan khusus saking Wikisource punika. Proyék polih pikobet krana kirang kendel menawi taler kaanggit olih organisasi sekadi Administrasi Arsip miwah Arsip Nasional.[3]

Ngantos Maret 2024, wénten subdomain Wikisource sané idup antuk basa 74[1] kadiri antuk total 5.963.400 suratan miwah 2.489 panguah urip.[4]

Pustaka uah

  1. 1,0 1,1 Wikimedia's MediaWiki API:Sitematrix. Retrieved Maret 2024 from Data:Wikipedia statistics/meta.tab
  2. Ayers, Phoebe; Matthews, Charles; Yates, Ben (2008). How Wikipedia Works. No Starch Press. pp. 435–436. ISBN 978-1-59327-176-3.
  3. "Transcribe | Citizen Archivist". Kaaksés 4 October 2013.
  4. Wikimedia's MediaWiki API:Siteinfo. Kaaksés Maret 2024 saking Data:Wikipedia statistics/data.tab