Rosa Parks
Rosa Louise McCauley Parks (Fébruari 4, 1913 – Oktober 24, 2005) inggih punika aktivis swadikara krama (hak sipil) sané dados kasub mawinan kawéntenan nempal ngaturang kursinnyané ring tumpangan putih ring bis raris ngawitin parilaksana wangdé munggah bis ring Montgomery, Amérika Serikat. Manut ring Konggrés AS, Rosa Parks inggih punika "ibu gerakan kabébasan".[1]
Duk 1 Désémber 1955, di Montgomery, Alabama, Rosa Parks kabesenin olih sopir bis James F. Blake mangda misaraang kursinnyané ring tumpangan putih mawinan séksi sané anggén jadma putih kémanten sampun kébek. Rosa Parks nempal raris punika mawinan Ida kadakep olih polisi.[2][3][4] Salanturnyané kawéntenan punika, sekaa krama cemeng ngentahang wangdé nganggé bis-bis ngantos diskriminasi ring pantaraning krama putih miwah cemeng kapuputang.
Rosa Parks dados cihna sané mabuat anggén utsaha nundas swadikara krama anggén krama cemeng ring AS miwah cihna nglawan diskriminasi ras ring majebag jagaté. Rosa Parks makarya sareng aktivis swadikara krama sané tiosan, makadi Edgar Nixon miwah Martin Luther King Jr.[5]
Pustaka uah
- ↑ "Act of Congress". US Government Printing Office.
- ↑ Williams, Donnie; Greenhaw, Wayne (2005). The Thunder of Angels: The Montgomery Bus Boycott and the People who Broke the Back of Jim Crow. Chicago Review Press. k. 48. ISBN 1-55652-590-7
- ↑ "The Other Rosa Parks: Now 73, Claudette Colvin Was First to Refuse Giving Up Seat on Montgomery Bus". democracynow.org.
- ↑ "Civil rights icon Rosa Parks dies at 92". CNN.
- ↑ Garrow, David J. Bearing the Cross: Martin Luther King Jr. and the Southern Christian Leadership Conference. (1986) ISBN 0-394-75623-1