Wikipédia

Pemecutan, Dénpasar Barat, Dénpasar

Kelurahan ring Dénpasar Barat, Kota Dénpasar, Bali
Aksara Latin
      

Koordinat: 8°39′45″S 115°12′46″E / 8.662583°S 115.212826°E / -8.662583; 115.212826

Kelurahan Pemecutan (aksara Bali: pĕmĕcutan·) inggih punika silih tunggil kelurahan sané magenah ring Kecamatan Dénpasar Barat, Kota Dénpasar, Provinsi Bali, Indonésia.[3]

Pemecutan
Kalurahan
Peta
Peta genah Kelurahan Pemecutan
Negara Indonésia
PropinsiBali
KotaDénpasar
KecamatanDénpasar Barat
Pamréntahan
 • LurahIda Bagus Agung Upawana Manuaba,SE
Kodepos
80113
Kode Kéméndagri51.71.03.1007 Uah nilai ring Wikidata
Kode BPS5171030007 Uah nilai ring Wikidata
Jimbar1,86 km²[1]
Akéh krama21.694 diri (2016)[1]
21.099 diri (2010)[2]
Kepadetan11.344 diri/km²(2010)
Akéh KK4.809[1]
Situs webpemecutan.denpasarkota.go.id

Lelintihan uah

Aran Kalurahan Pemecutan tan lémpas saking lelintihan aran Désa Pemecutan, punika Kalurahan Pemecutan duk sané lintang dados pahan saking Désa Pemecutan sané ngapentang saking Meregaya ngantos Ubung. Désa Pemecutan sané lintang magenah ring Kabupatén Badung. Kabupatén Badung punika kakepah dados kalih, punika Kabupatén Badung miwah Kota Dénpasar sekadi mangkin. Makakalih Wawengkon Dati II mangkin sadurungné pahan saaking Karatuan Badung sasampun Karatuan Bali. Krana punika aran Pemecutan mawit saking lelintihan Karatuan Badung sané mapaiketan sareng lelintihan Puri Pemecutan, mawinan puri punika dados pusat saking Désa Pemecutan.[4]

Asal usul aran Désa Pemecutan. Mawit pustaka saking lontar-lontar babad sané wénten ring panglingsir Puri Pemecutan, saking wit kawian sarjana barat miwah wit liyanan sané wénten ring Museum Bali ring Dénpasar, ring Pusat Dokuméntasi Kebudayaan Bali, Propinsi Bali ring Kota Dénpasar miwah kajangkepin sareng wit monumentalis sekadi Pura Tambang Badung. Kasengguh pinaka raja-raja Tabanan miwah Badung punika parisentana Arya Damar saking Majapahit, budal ring Bali warsa 1343 sareng Mahapatih Gajah Mada sané kaaptiyang olih P.L. Van Bloeman Waanders ring suratan ipun warsa 1868. Arya Damar madué akéh putra, silih tunggil putra ipun maparab Nerarya Wangun Graha, silih tunggil saking 4 putra Nerarya Wangun Graha sané kagenahang ring Badung maparab Nararya Bandhana.[4]

Silih sinunggil cucu-cucu Nararya Bandhana ring Badung punika Arya Bebed, ida seneng mayoga semédi, ngamargiang "Déwa Sraya" ribg genah-genah suci antuk nunas panugrahan miwah kajayaan, kasarengin punggawa satya ipun Ki Andhagala. Ri tatkala mayoga semédi ring pucak gunung Batur, semédi nyané kaasil sesampun polih ujian meweh saking Ida Batari Danu. Arya Bebed polih panugrahan marupa "pecut" miwah "tulup", taler polih suwéca kawibawaan ring kelod wawengkon sané kacingak "Badeng" sané kartosan dados kruna "Badung", sané salantur nyané makembang dados Karatuan Badung sané jimbar. Ri tatkala Arya Bebed durung dados manggala, ring Badung sampun wénten pusat-pusat manggala sekadi Tegal, Gelogor miwah Pasar Badung, pinih ungkur wénten Pemecutan sesampun Arya Bebed dados manggala.[4]

Kauripan Arya Bebed wénten ring Karatuan Gélgél, ring duk pamerétahan Dalem Sagening (warsa 1580-1605) miwah ring duk pamerétahan Dalem Di Madé (warsa 1605-1686 ), putra Dalem Sagening. Ring pasemetonan sareng Dalem Gélgél, Dalem Di Madé punika mantu saking Arya Bebed, ngantos warsa 1638, Arya Bebed nyarengin numpas pamiwalan kapertama Patih Agung I Gusti Agung Maruti majeng Dalem Di Madé. Antuk jasa punika Arya Bebed kaicén gelar Kyayi Gedé Raka Jambé Pulé utawi Kyayi Anglurah Jambé Pulé. Sesampun Arya Bebed dados raja Badung, ida ngawangun puri (ring sisi kawan marga Thamrin ngantos ring Pemedilan mangkin) sané kaaranin ida Puri Pemecutan miwah ida maparab Kyayi Anglurah Pemecutan (I). Parab Pemecutan kaambil saking kruna "PECUT" satmaka panugrahan saking Ida Batara ring Batur. Salantur nyané kasengguh pinaka Arya Bebed madué 3 rabi. Rabi kaping tiga punika putri saking Wangsa Penataran ring Pemedilan, sané ngaembasang putera maparab Kyayi Anglurah magelar Kyayi Macan Gading. Ida sané polih tetamian Puri Pemecutan. Krana punika ida maparab KyayiAnglurahPemecutan (II). Kyayi Macan Gading madué tiga putra miwah asiki putri. Putra sané pinih duur nampi tetamian Puri Pemecutan miwah kaangkat dados Raja Badung sané magelar Kyayi Anglurah Pemecutan (III). Ida sané ngajimbarang wawengkon karatuan, ngantos karatuan Badung dados karatuan kasub ring Bali miwah munggahang kawibawaan Puri Pemecutan. Pasemetonan kekeetang antuk kawangun nyané palinggih-palinggih paibon 18, 16 palinggih ring Pura Tambang Badung miwah 2 ring jaba pasemetonan miwah kawargian kaleket antuk pamiara miwah pambinaan pangemong Pura Prasanak Tambang Badung sané akéh nyané 45 palinggih.[4]

Mawit paiketan ring Pura Tambang Badung punika, kaprebekelan sané ipidan ring nampek Puri Pemecutan, kaaranin Kaprebekelan Pemecutan, sané salanturnyané kagentosin dados Désa Pemecutan. Désa Pemecutan kawawengkonin asiki Désa Pakraman Dénpasar, sané ngajangkepin Désa Dangin Puri, Désa Dauh Puri miwah Désa Pemecutan (sané mangkin makasami dados kalurahan). Mawit Séwala Kaputusan Gubernur Manggala Daérah Tingkat I Bali No 57 Warsa 1982 pinanggal 1 Juni 1982 Désa Pemecutan kamekarang dados Kalurahan Pemecutan, Désa Pemecutan Kaja, Désa Pemecutan Klod. Ring warsa 1989 Kalurahan Pemecutan kamekarang malih dados Kalurahan Pemecutan, Désa Tegal Harum, miwah Désa Tegal Kerta. Antuk séwala kaputusan punika kaadegang nyané Kalurahan Pemecutan, ring Dénpasar Barat.[4]

Géograpis uah

Iklim uah

Indik iklim ring Kalurahan Pemecutan nénten tios sareng wawengkon liyanan ring Indonésia ring ketah nyané kakepah dados kalih musim punika musim sabeh miwah musim panes. Musim sabeh ring sasih Oktober ngantos Maret taler sisa nyané pinaka musim panes antuk curahan sabeh rerata sawatara 65 mm / sasih sareng suhu udara rerata sawatara riantara 19 °C-34 °C.[5]

Wates Wewidangan uah

Wates wewidangan administratip nyané minakadi:[5]

Kalér Désa Pemecutan Kaja
Kelod Désa Pemecutan Klod
Kauh Kalurahan Dauh Puri
Kangin Désa Tegal Kertha

Pawiguna wawengkon uah

Jimbar wawidangan kalurahan Pemecutan 1,98 km2, pawiguna ipun luiré:[5]

  • Paumahan 96 Ha
  • Sétra 11 Ha
  • Pakarangan 60 Ha
  • Taman 15,97 Ha
  • Pakantoran 2,7 Ha
  • Fasilitas Umum liyanan 12,33 Ha

Pamréntahan uah

Kalurahan uah

Wawidangan Kalurahan Pemecutan madué lima welas lingkungan utawi banjar dinas, inggih punika:[6][7]

  1. Lingkungan Kertha Dharma
  2. Lingkungan Kertha Pura
  3. Lingkungan Merta Jaya
  4. Lingkungan Merta Yoga
  5. Lingkungan Penyaitan
  6. Lingkungan Kerandan
  7. Lingkungan Pemedilan
  8. Lingkungan Tegallinggah
  9. Lingkungan Busung Yéh Kauh
  10. Lingkungan Busung Yéh Kangin
  11. Lingkungan Celagi Gendong
  12. Lingkungan Gelogor
  13. Lingkungan Alangkajeng Menak
  14. Lingkungan Alangkajeng Gedé
  15. Lingkungan Pemeregan

Désa Adat uah

Mawit adat ring Kalurahan Pemecutan rumasuk ring Désa Pakraman Dénpasar, sané magenah ring kalih Pamréntahan tingkat II (Kabupatén Badung miwah Kota Dénpasar) miwah magenah ring 5 kecamatan (Kuta, Kuta Utara, Dénpasar Utara, Dénpasar Timur miwah Dénpasar Barat), antuk pahan nyané inggih punika:[6]

Désa Pakraman Dénpasar
  • Banjar Kerta Pura[PM]
  • Banjar Busung Yéh Kauh[PM]
  • Banjar Busung Yéh Kangin[PM]
  • Banjar Penyaitan[PM]
  • Banjar Kerandan[PM]
  • Banjar Pemedilan[PM]
  • Banjar Tegallinggah[PM]
  • Banjar Puri
  • Banjar Pemeregan[PM]
  • Banjar Celagi Gendong[PM]
  • Banjar Glogor[PM]
  • Banjar Alangkajeng Gedé[PM]
  • Banjar Alengkajeng Menak[PM]
  • Banjar Kerta Darma[PM]
  • Banjar Merta Jaya[PM]
  • Banjar Marga Jati[PM]
  • Banjar Balun[PA]
  • Banjar Mekar Manis[PA]
  • Banjar Kerta Sari[PA]
  • Banjar Kerta Jati[PA]
  • Banjar Semila Jati[PA]
  • Banjar Tulang Ampian[PA]
  • Banjar Merta Yasa[PA]
  • Banjar Panti Gedé[PA]
  • Banjar Panti Sari[PA]
  • Banjar Blong Menak[PA]
  • Banjar Blong Gedé[PA]
  • Banjar Geréncéng[PA]
  • Banjar Tegal Balér Griya[PO]
  • Banjar Tegal Agung[PO]
  • Banjar Tegal Gedé[PO]
  • Banjar Tegal Langon[PO]
  • Banjar Tegal Kawan[PO]
  • Banjar Tegal Dukuh Anyar[PO]
  • Banjar Monang Maning[PO]
  • Banjar Samping Buni[PO]
  • Banjar Tenten[PO]
  • Banjar Batan Nyuh[PO]
  • Banjar Buagan[PO]
  • Banjar Sading Sari[PO]
  • Banjar Pekandelan[PO]
  • Banjar Abian Timbul[PO]
  • Banjar Margaya[PO]
  • Banjar Teges Mas Jati[PO]
  • Banjar Penamparan[PS]
  • Banjar Sari Buana[TH]
  • Banjar Asta Buana[TH]
  • Banjar Manut Negara[TK]
  • Banjar Merta Gangga[TK]
  • Banjar Graha Santi[TK]
  • Banjar Lumintang[DPA]
  • Banjar Wangaya Kaja[DPA]
  • Banjar Wangaya Kelod[DPA]
  • Banjar Lelangon[DPA]
  • Banjar Mekar Sari[DPA]
  • Banjar Gemeh[DPU]
  • Banjar Titih Klod[DPU]
  • Banjar Titih Tengah[DPU]
  • Banjar Titih Kalér[DPU]
  • Banjar Suci[DPU]
  • Banjar Batu Bintang[DPO]
  • Banjar Bumi Santi[DPO]
  • Banjar Éka Sila[DPO]
  • Banjar Sanglah[DPO]
  • Banjar Bumi Asri[DPO]
  • Banjar Bumi Sari[DPO]
  • Banjar Pengiasan[DPU]
  • Banjar Beraban[DPU]
  • Banjar Jematang[DPU]
  • Banjar Sumuh[DPU]
  • Banjar Bumi Werdi[DPU]
  • Banjar Abian Tegal[DPU]
  • Banjar Semblange[DPU]
  • Banjar Pekambingan[UP]
  • Banjar Catur Panca[UP]
  • Banjar Pelita Sari[UP]
  • Banjar Tampak Gangsul[IPU]
  • Banjar Belaluan[IPU]
  • Banjar Belaluan Sad Merta[IPU]
  • Banjar Tengah[IPU]
  • Banjar Pucak Sari[IPU]
  • Banjar Tainsiat[IPA]
  • Banjar Kaliungu Kaja[IP]
  • Banjar Kalanganyar[IPA]
  • Banjar Uma Sari[IPA]
  • Banjar Lumbung Sari[IPA]
  • Banjar Kayu Mas Klod[IP]
  • Banjar Batu Mas[IP]
  • Banjar Abasan[IP]
  • Banjar Bun[IP]
  • Banjar Tegal Sari[IP]
  • Banjar Kaliungu Klod[IP]
  • Banjar Kusuma Jati[PA]
  • Banjar Tegal Harum[TH]
  • Banjar Cemara Agung[TH]
  • Banjar Sapta Bumi[TH]
  • Banjar Bhuana Merta[TH]
  • Banjar Sanga Agung[TH]
  • Banjar Tegal Wangi[TK]
  • Banjar Bhuana Asri[TK]
  • Banjar Muliawan[TK]
  • Banjar Bhuana Sari[TK]
  • Banjar Panca Kerta[TK]
  • Banjar Tunggul Aji[PA]
  • Banjar Abian Basé[KT]

Cutetan

  1. PM Magenah ring wawidangan Kalurahan Pemecutan
  2. PA Magenah ring wawidangan Désa Pemecutan Kaja
  3. PO Magenah ring wawidangan Désa Pemecutan Klod
  4. UP Magenah ring wawidangan Kalurahan Dauh Puri
  5. DPA Magenah ring wawidangan Désa Dauh Puri Kaja
  6. DPO Magenah ring wawidangan Désa Dauh Puri Klod
  7. DPI Magenah ring wawidangan Désa Dauh Puri Kangin
  8. DPU Magenah ring wawidangan Désa Dauh Puri Kauh
  9. IP Magenah ring wawidangan Kalurahan Dangin Puri
  10. IPA Magenah ring wawidangan Désa Dangin Puri Kaja
  11. IPU Magenah ring wawidangan Désa Dangin Puri Kauh
  12. KT Magenah ring wawidangan Kalurahan Kuta
  13. TH Magenah ring wawidangan Désa Tegal Harum
  14. TK Magenah ring wawidangan Désa Tegal Kerta
  15. PS Magenah ring wawidangan Kalurahan Padangsambian

Démograpi uah

Ring warsa 2016, akéh krama ring désa Pemecutan kirang langkung wénten 21.694 diri, kapah antuk 11.445 lanang miwah 10.249 istri, taler tingkat sex rasionyané kirang langkung 106.[1]

Pustaka uah

  1. ↑ 1,0 1,1 1,2 1,3 "Kecamatan Dénpasar Barat dalam Angka 2017" (ring Indonesia). Badan Pusat Statistik Indonésia. 2017. Kaaksés 16 December 2018.
  2. ↑ "Penduduk Indonesia Menurut Desa 2010" (PDF) (ring Indonesia). Badan Pusat Statistik. 2010. p. 132. Kaaksés 14 Juni 2019.
  3. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Républik Indonésia. Kaaksés 3 October 2019.
  4. ↑ 4,0 4,1 4,2 4,3 4,4 Sejarah Kelurahan Pemecutan, Kelurahan Pemecutan, kaaksés 1 Januari 2022
  5. ↑ 5,0 5,1 5,2 Kondisi Géograpis, Kelurahan Pemecutan, kaaksés 27 Juli 2021
  6. ↑ 6,0 6,1 Data Désa Adat Kota Dénpasar, NangunSatKertiLokaBali.com, kaarsipin saking versi asli tanggal 11 November 2020, kaaksés 9 November 2020
  7. ↑ Wilayah Administrasi Kelurahan Pemecutan, Kelurahan Pemecutan, kaaksés 27 Juli 2021

Pranala jaba uah

cutetan: URL dados kauahin/ilang. Yening URL nenten aktip, ngiring kausap saking lis baduur.

Kapolihang saking "https://ban.wikipedia.org/w/index.php?title=Pemecutan,_Dénpasar_Barat,_Dénpasar&oldid=192420"