Candi bentar

Candi bentar inggih punika gapura sané kabelah kalih sané kegenahin ring pemedal pura, puri utawi setra^[1]. Candi bentar nenten madué raab miwah wantah kasambung antuk undagan ring sornyane. Candi bentar katah ketemuin ring Jawa, Bali, miwah Lombok.

Pragina ngigel ring ajeng candi bentar miwah kori agung.

Wentuk uah

Wentuk candi bentar inggih punika marupa candi sané kabelah kekalih sané ngawentuk wangunan simetri. Wentuk bagian duuran candi bentar inggih punika maundag miwah ketah madué ukiran pepatran miwah kekarangan. Bagian tengah tengah candi bentar setata polos tan madué ukiran, sekadi wangunan sané kabelah.

Candi bentar kawangun ngangge makudang-kudang style inggih punika bata barak sekadi ring candi-candi majapahit sané prasida katemuin ring Cirebon, Demak, kudus miwah kasultanan Mataram, maplester sekadi ring puri kaibon, banten miwah ring kota surakarta miwah jogjakarta, Lan sané maukir sekadi sané katemuin ring pura miwah puri-puri ring Bali.

Dumun candi bentar kawangun nenten madué pintu, nanging dewase né mangkin akeh katemuin candi bentar sané madué gerbang sané malakar antuk wesi.

Genah uah

Ring puri miwah pura-pura ring Bali candi bentar kanggén dados wates Jaba sisi (Nista mandala) miwah jaba tengah (Madya mandala), miwah Kori agung utawi paduraksa kaanggén wetes jaba tengah miwah Jeroan (Utama Mandala)^[1]. Ring pura-pura ring Bali Candi bentar kaanggen genah masolah tetarian miwah bebalihan, pragina pacang ngranjing saking jaba tengah miwah masolah ring ajeng candi bentar.

Candi bentar ring Ngurah Rai International Airport, Bali
Candi Bentar ring Kebun Raya Bali
Candi Bentar masjid menara Kudus
Candi bentar ring Pura Taman Beji, Bubunan

Pustaka uah

↑ ^1,0 ^1,1 Wardani, Laksmi Kusuma; Sitindjak, Ronald Hasudungan Irianto; Mayang Sari, Sriti (2015). "Estetika Ragam Hias Candi Bentar dan Paduraksa di Jawa Timur" [Ornament aesthetic of Candi Bentar and Paduraksa in East Java] (PDF) (in Indonésian). Petra Christian University. Retrieved November 19, 2016.

[:0-1] 1,0 ^1,1 Wardani, Laksmi Kusuma; Sitindjak, Ronald Hasudungan Irianto; Mayang Sari, Sriti (2015). "Estetika Ragam Hias Candi Bentar dan Paduraksa di Jawa Timur" [Ornament aesthetic of Candi Bentar and Paduraksa in East Java] (PDF) (in Indonésian). Petra Christian University. Retrieved November 19, 2016.

[1]