Rahina Idul Adha

Idul Adha (basa Arab: عيد الأضحى‎) inggih punika silih tunggil rahina ageng ring agama Islam. Ring rahina punika kalaksanayang kurban umpamiyang Nabi Ibrahim sané sayaga ngicén anak lanangnyané Nabi Ibrahim majeng ring Allah. Ri kala jagi kagorok kagentosin olih Allah pinaka domba.

Ring rahina Idul Adha, jadma sané maagama Islam mapupul ring rahina semeng tur nglaksanayang salat Id sinarengan ring lapangan jimbar utawi masjid, pateh sakadi ri kala Idul Fitri. Sasampun salat, kalaksanayang gorok kurban antuk nglaksanayang titah Allah ring Nabi Ibrahim sané ngorok domba pinaka pagentos putrannyané

Idul Adha kalaksanayang ring tanggal 10 bulan Zulhijah, rahina puniki tepat ring 70 rahina sasampun rahina Idul Fitri. Rahina puniki taler rahina-rahina Tasyrik haram puasa manut umat Islam

Pusat rahina Idul Adha inggih punika ring silih tunggil désa alit ring Arab Saudi sané mawasta Mina, nampek Makkah. Iriki wénten tiang batu sané pinaka cihna Iblis tur patut kalemparin batu olih umat Muslim sané sedeng naik haji. Idul Adha wantah puncak Ibadah Haji sané kalaksanayang olih umat Muslim. Rahina puniki taler kasengguh pinaka Idul Kurban utawi Lebaran Haji.