Idul Fitri

Idul Fitri utawi Lebaran inggih punika rahina jagat krama Islam. Rahina punika kalaksanayang tanggal 1 Syawal ring pinanggalan Hijriah utawi rahina kapertama ring sasih kadasa ring kalender Islam. Kalender Islam inggih punika kalender candra. Tanggal kaitung mawit saking fase candra. Krana warsa kalender Islam (Hijriah) cutetan saking warsa kalender surya (Maséhi). Makakalih kalénder punika mabinayan kirang langkung 10 mawit 12 dina. Nika mawinan, tanggal awal rahina Ramadan miwah rahina Idul Fitri ring kalénder maséhi satata mabinayan saking warsa ka warsa.

Ibadah Idul Fitri

Idul Fitri nyihnayang puasa bulan Ramadan sampun wusan. Wénten ibadah sané kalaksanayang olih krama Islam ritatkala rahina Idul Fitri. Sadurung nyabran rahina Idul Fitri, krama Islam kawajibang naur zakat Fitrah utawi sedekah. Ritatkala semeng, kalaksanayang salat Idul Fitri (salat Id) sané kalaksanayang ring tanah lapang. Sasampuné salat Idul Fitri, krama Islam madelokan ring para kulawarga sané kawastanin silaturahmi. Idul Fitri madué arti sakadi galah sukacita ring krama Islam miwah galah antuk bersedekah ring krama sané kakirangan.