Adolf Hitler: Bina pantaraning révisi

Hitler punika veteran Perang Dunia I sané madué akéh puspita. Ida sareng ring Partai Pekerja Jerman ring warsa 1919, tur dados pamimpin NSDAP ring warsa 1921. Ring warsa 1923, ida ngalaksanayang kudéta ring Munich, sané ketah kawastanin Peristiwa Beer Hall Putsch. Kudéta punika nenten berhasil tur Hitler katangkep, ring penjara Ida nyuratang memoarnyané sané mamurda Mein Kampf. Sasampun medal saking penjara ring warsa 1924, ida ngamolihang dukungan saking krama nulak Perjanjian Versailles tur ngukuhang Pan-Jermanisme, antisemitisme, miwah anti-komunisme saking pidartanyané miwah propaganda Nazi. Sasampun katunjuk dados kanselir ring warsa 1933, ida ngawuwah Republik Weimar dados Reich Ketiga, silih sinunggil kediktatoran partai sané madasar antuk idéologi Nazisme. Ida mamerintahang mangda Jerman madué senjata malih tur Wehrmacht nginvasi Polandia ring bulan Septémber 1939, nika sané mawinang wénten ̪Perang Dunia II ring Eropa. Ring tanggal 30 April 1945 ida sareng Eva Braun, gegelan idané nyedayang padéwékannyané mangda nénten katangkep. Kebijakan sané kalaksanayang olih Hitler punika mawinan kirang langkung 50 yuta jadma padem ring Perang dunia II, rumasuk 6 yuta kaum Yahudi miwah 5 yuta soroh "non-Arya"<ref>harkey, Joe (13 January 2002). "Word for Word/The Case Against the Nazis; How Hitler's Forces Planned To Destroy German Christianity". ''The New York Times''. Diakses tanggal 18 June 2019.</ref>.