Gunung Prahu

Gunung Prahu inggih punika gunung sane magenah ring wewengkon Dataran Tinggi Dieng, Jawa Tengah, Indonesia. Gunung Prahu magenah ring koordinat 7°11′13″S 109°55′22″E. Gunung puniki tegehnyane sawatara 2590 mdpl. Gunung Prahu dados wates antuk patpat kabupaten, inggih punika Kabupaten Batang, Kabupaten Kendal, Kabupaten Temanggung, miwah Kabupaten Wonosobo. Puncak Gunung Prahu marupa padang rumput sane linggah tur lantangnyane saking kaja ngantos kangin. Ring puncak Gunuh Prahu wenten bukit-bukit sane alit, sabana, tur wenten taler punyan-punyanan. Gunung Prahu dados puncak sane pinih tegeh ring wewengkon Dataran Tinggi Dieng, tur wenten makudang-kudang puncak sane langkungan tegehnyane, sakadi Gunung Sipandu, Gunung Pangamun-amun, dan Gunung Juranggrawah. Gunung puniki dados silih tunggil genah wisata alam sane utama ring wewengkon Dieng.

Buron miwah Entik-entikan

Ring alas Gunung Prahu sane marep ka Kendal miwah Batang kantun bet. Irika wenten kantong semar (pitcher plants) endemik Jawa inggih punika Nepenthes gymnamphora sane akeh mentik sareng punyan pakis resam (Glichenia linearis). Ring puncak gunung punika wenten kembang Edelweis Jawa (Anaphalis maxima miwah Anaphalis longifolia). Ring wewengkon alas Gunung Prahu taler wenten buron khas Jawa sakadi macan tutul jawa (Panthera pardus melas), sigung jawa (Mydaus javanensis) miwah elang jawa (Nisaetus bastelsi).

Marga antuk Mendaki

Wenten nem jalur umum sane ketah kaliwatin yening lakar ka Gunung Prahu, inggih punika:

• Jalur Dieng, Kalilembu, miwah Patakbanteng, Kejajar, Wonosobo (saking arah kelod kauh utawi kelod)
• Jalur Igirmranak, Kejajar, Wonosobo (saking arah kelod kangin)
• Jalur Kenjuran, Sukorejo, Kendal (saking arah kangin)
• Jalur Pranten, Bawang, Kabupaten Batang (saking arah kaja kauh)
• Jalur Wates, Temanggung (saking arah kelod kangin)
• Jalur Ngelak, Batang (saking arah kaja utawi kaler)