I Gusti Kompyang Raka: Bina pantaraning révisi

'''I Gusti Kompyang Raka''' inggih punika silih tunggil ''maestro'' penabuh miwah pragina Bali. I Gusti Kompyang Raka embas ring Banjar Kutri, Singapadu, Gianyar, Bali tanggal 28 April 1947. Dané wantah musisi sané ngaryanin ''kolaborasi'' sareng musisi miwah seniman saking genre lianan ngantos ka duranegara. Nika mawinan I Gusti Kompyang Raka kasub antuk Bapak Kolaborasi Indonésia.<ref>{{Cite web|url=https://www.liputan6.com/showbiz/read/3068756/i-gusti-kompyang-raka-maestro-seni-ikon-prestasi-indonesia|title=I Gusti Kompyang Raka, Maestro Seni Ikon Prestasi Indonesia|last=Liputan6.com|date=2017-08-24|website=liputan6.com|language=id|access-date=2021-03-06}}</ref>

I Gusti Kompyang Raka embas ring kulawarga seniman. Dané sampun demen ngigel miwah nabuh ritatkala mayusa 7

tiban. Ritatkala mayusa 9 tiban, dané kapilih ring Sekehe Gong sané kabina olih Tjokorda Agung Oka miwah I Madé Kerdek. Ring warsa 1967, Kompyang Raka luas ka Jakarta tur magabung ring yayasan Yasa Sedana pimpinan Bapak Sampurno SH. Dané sareng krama miwah seniman Bali ring Jakarta ngwentuk LKB Saraswati ring warsa 1968. Ring warsa 1970, dané sareng LKB Saraswati ngamiletin festival kesenian ring Adeleide, Australia. Ring warsa 1979, dané sareng Guruh Soekarno Putra ngaryanin pagelaran ring Jakarta miwah duranegara. Dané taler ngamiletin workshop teater anak-anak Asia ring Kuala Lumpur, Malaysia warsa 1986.

I Gusti Kompyang Raka ngripta tari Kecak Sanghyang sané kasolahang ring Festival Asia Collection ring Kumamoto Jepang warsa 1989. Dané naenin dados pemimpin rombongan Wayang Orang ring Festival musik teater ka 8 kota ageng ring Belanda pada warsa 1999. Makéh préstasi sané kapolihang nasional miwah internasional, makadi Ikon Prestasi Indonesia warsa 2017 saking Unit Kerja Presiden bidang Pembinaan Ideologi Pancasila, Anugerah Kebudayaan warsa 2014 saking Menteri Pendidikan dan Kebudayaan RI, Penghargaan Akademi Jakarta warsa 2013, Penghargaan Dharma Kusuma saking Gubernur Bali, Penghargaan World Song Festival, Budokan Tokyo, World Olympic Choir Champion miwah sané tiosan.<ref>{{Cite web|url=https://kebudayaan.kemdikbud.go.id/ditwdb/i-gusti-kompyang-raka-memasukkan-musik-bali-ke-mana-mana/|title=I GUSTI KOMPYANG RAKA, MEMASUKKAN MUSIK BALI KE MANA-MANA|date=2015-12-17|website=Direktorat Warisan dan Diplomasi Budaya|language=id-ID|access-date=2021-03-06}}</ref>